It(em) es condicie en vurw(er)de bij alsoe dat de voirs(creven) lijftochte in toecomen(de) tijde(n) afgeleegt/ oft afghequete(n) wordde(n) dat dan de voirs(creven) pe(n)ninghe dair af comen(de) bij wete en(de)/ consente h(ere)n jans uuten lyeminghe(n) rydders als vand(er) zijde(n) jans berthens voirs(creven) en(de)/ bij wete ende consente lijsbette(n) wynt(er)s wed(uwe) amelrijcx wijle(n) wechte(r) en(de) peet(er)s/ vanden zijpe vand(er) zijde(n) lijsbette(n) vand(er) leeps voirs(creven) wed(er)o(m)me in ghelijker rinte(n)/ aengheleet zulle(n) wordde(n) zonder dien dat de voirs(creven) l jan berthens en(de) lijsbeth/ sijn wijff de voirs(creven) lijfpen(sien) oft oic ande(r) die mette(n) pe(n)ninghe(n) vand(er) quijtinghe(n)/ der voirs(creven) lijftochte(n) gecocht zoude moghe(n) wordde(n) te moeghe(n) vercoepen/ oft de pe(n)ninghe van dien and(er)ssins dan voirs(creven) steet te bekeren(e) in e(n)nig(er) manie(re)n/ En(de) te dyer meyninghe(n) zulle(n) de voirs(creven) brieve en(de) oic ande(re) [brieve] die in toecomen(de) tijden/ dair af gemaect zulle(n) moghe(n) wordde(n) blijve(n) en(de) come(n) ond(er) scepen(en) van loeven(e)/ cor(am) eisd(em)