It(em) al eest alsoe dat de voirs(creven) lxv rinssche gul(den) ghelooft sijn ja(n)nese/ m(ar)cels te betalen(e) soe es nochtans tussche(n) joffr(ouwe) m(ar)griete(n) van/ meldert wed(uwe) jonch(er) willems wijlen van montenaken en(de) henricke/ van baexhem t(er) eenre zijden ende den voirs(creven) ja(n)nese m(er)cels t(er) ande(re)/ bevurw(er)t dat soe wanneer de voirs(creven) ja(n)nes de voirs(creven) pe(n)ninghe(n) ontfange(n)/ sall hebben de selve pe(n)ninghen der voirs(creven) joffr(ouwe) m(ar)griete(n) schuldich sijn/ sal ov(er) te ghevene eve(n)verre en(de) and(er)s m(its) sij den selve(n) ja(n)nese gheheelijke(n)/ ontlast van alsulken vijff mudden corens lijftochte(n) dair inne de selve/ jannes aen joffr(ouwe) prudencie(n) huysvrouwe goessens vanden speelhove/ na(tur)lix als borghe der voirs(creven) joffr(ouwe) m(ar)griete(n) met scepen(en) brieve(n) van/ loven(e) verbonde(n) steet En(de) in ghevalle oft de selve joffr(ouwe) m(ar)griete/ tot onser liev(er) vrouwen daghe nativitas dair nae volgen(de) den selve(n)/ ja(n)nese vand(er) voirs(creven) lijftochte(n) niet en loste dat dan de voirs(creven) ja(n)nes/ de voirs(creven) lxv rinssche gul(den) bekeere(n) sall moghe(n) in daflegghe(n) vande(n)/ p(ri)ncipale der lijftochten vanden vijff mudden voirs(creven) ende in dien/ ghevalle soe heeft de voirs(creven) joffr(ouwe) m(ar)griete en(de) henr(ick) voirs(creven) ghelooft/ de pachten vander selv(er) lijftochte(n) te betalene aenghesien dat de voirs(creven)/ lxv rinssche gulden(en) alleene maken tprincipael vander lijftochte(n) voirs(creven)/ ende niet meer En(de) dair aff ghelooft de voirs(creven) joffr(ouwe) m(ar)g(rie)te den voirs(creven)/ henricke schadeloes tontheffene cor(am) eisd(em)