Cont zij alle(n) lieden dat jan coudenberghe tiegelbecke(r) van/ ned(er)velpe peet(er) vande(n) putte sone jans wile(n) vande(n) putte/ wonen(de) te vertrijke jan scheye en(de) peet(er) fijte beide wonen(de)/ te bierbeke reyne(r)e de lathouwe(re) wonen(de) oec te v(er)trijke/ in p(rese)nc(ia) hebben genome(n) en(de) bekint dat sij genome(n) hebbe(n)/ dat sij in octobri lest lede(n) genome(n) hebbe(n) van weyne sterx [rint meest(er) vander porte(n) va(n) velpe] een bosch gehete(n) den nuwe(n)bosch toebehoren(de) der vors(creven) poerte(n) va(n)/ velpe houden(de) omtrent viii boender gelege(n) inde p(ro)chie va(n)/ bierbeke biden quareelhove(n) o(m)me den selve(n) bosch de schare/ af te houwene te twee houwe(n) en(de) elc boend(er) om xii peet(er)s/ en(de) drievie(re)ndeel va(n) eene(n) peet(er) te xviii st(uvers) elke(n) peet(er) gerek(ent)/ telke(n) sinte remeismisse te betalene dierste bet(alinge) sinte remeis/ misse naestc(omende) en(de) dand(er) betalinge sinte remeismisse d(air) naest/ volgende de vors(creven) twee houwe due(re)nde Met vurw(er)de(n) dat/ de vors(creven) p(er)sone(n) te thout te uutganc meye vande(n) bossche/ gemyait? sulle(n) hebbe(n) sond(er) v(er)trec en(de) waert dat sake dat/ sij dat niet en dade(n) so sal de rintmeest(er) va(n) velpe mette(n)/ houte dat hij d(air) op vinde(n) sal sine(n) wille mede moge(n) doen/ en(de) dat sij oec op elc boend(er) late(n) sulle(n) xvi laeteyke(n)/ oec sulle(n) sij geve(n) den weert te loven(e) ii voed(er) houts/ va(n) elke(n) houwe te wetene een voed(er) wishouts en(de) een/ voed(er) mutsaerts en(de) oec den weert va(n) thiene(n) ii voed(er) houts/ va(n) elke(n) houwe een voed(er) wishouts va(n) vii wisse(n) en(de)/ een voed(er) mutsaerts van ii[c] thiensch(e) rijs Oec sulle(n) sij/ geve(n) de(n) gesi(n)ne sabs va(n) vileer en(de) de(n) knecht srintmeest(er)s/ va(n) velpe iii hollan(dse) gul(den) en(de) al sond(er) afslach vande(n) payme(n)te(n)/ sboschs vors(creven) met vurwerde(n) oft die vors(creven) bossche(n) min/ oft meer ind(er) mate(n) bevonde(n) worde(n) datm houden(de) datme(n)/dat d(air) nae de(n) prijs minde(re)n en(de) meerd(ere)n sal vande(n) gelde/ en(de) oec en salme(n) die hage niet mete(n) al o(m)me den/ bosch die welke is iii voete(n) breet vande(n) coppe vand(er)/ grecht te(n) bossche weert en(de) die sal de rintm(eeste)r va(n) velpe/ behoude(n) tot sijnre beri(n)ge(n) sond(er) afslach vande(n) payme(n)te/ vors(creven) vync ouder(ogghe) ja(nua)[rii] xxix