It(em) de vors(creven) woute(r) zomer inde(n) name va(n) hem selve(n) en(de) va(n) wege(n)/ jans sroevers en(de) kat(li)[ne(n)] zomer sijns wijfs sust(er) des vors(creven) wout(er)s/ die de selve woute(r) indese(n) op hem genome(n) heeft en(de) geloeft te/ v(er)vane heeft gekint en(de) gelijt dat hij wael en(de) wittelic
//
vercocht heeft goessene vande(n) veere en(de) machtelde(n) sine(n) wijve vors(creven)/ xii mol(evaten) rox d(er) mate(n) van loeven(e) erfs pachts alle ja(r)e sinte/ andriesdage apostels te bet(alen) die de vors(creven) woute(r) en(de) kat(li)[ne]/ sijs sust(er) hebbe(n) en(de) houden(de) sijn aen en(de) op de goede h(ier) ond(er) bescr(even)/ Inde(n) ierste(n) aen en(de) op de woeni(n)ge met hue(re)r toebeh(oirten) die/ toetebehoe(re)n plach joffr(ouwe) maghtelde(n) va(n) tricht gelege(n) inde p(ro)chie/ va(n) love(n)joel t(er) plaetsen gehete(n) ten bruele tussche(n) die gemein/ strate en(de) tstreetke(n) ald(air) gaen(de) t(er) woeni(n)ge(n) jans poelmans It(em) aen/ en(de) op terdegedeelte va(n) eene(n) boend(er) lants gelege(n) inde selve/ p(ro)chie op dmuylhoepvelt tussche(n) de goede vranx vande(n) poele/ en(de) de goede henrix stroeprox It(em) aen en(de) op i dach(mael) lants/ met eene(n) beemdeke(n) d(air) aen liggen(de) opt selve velt tussche(n)/ de goede vranx gyghers en(de) de goede henrix hochs Voer/ eene(n) zeke(re)n prijs va(n) gelde d(air) af de vors(creven) woute(r) inde(n) name/ va(n) hem selve(n) en(de) va(n) wege(n) sijnre sust(er) vors(creven) hem bekint/ heeft bide(n) vors(creven) goessene en(de) sine(n) wijve volcomelic genoech/ gesciet te sine Geloven(de) de vors(creven) woute(r) mette(n) vors(creven) ja(n)ne/ de roeve(re) en(de) sine(n) wijve den vors(creven) goessene en(de) sine(n) wijve/ tot hue(re)r manisse(n) voirt hof en(de) hee(re) d(air) afme(n) de vors(creven) goede/ houden(de) is te goeden en(de) terven en(de) hen d(air) af alt(ijt) genoech/ te doene op dat hen in tgene dat vors(creven) steet iet te luttel/ oft te neuwe gedaen wa(r)e p(ro)ut (et)c(etera) cor(am) eisd(em)