SAL8133, Akte: R°197.1 (356 van 481)
Akte R°197.1
Act
Datum: 1467-05-26
Transcriptie
2020-02-21 door myriam bolsIt(em) gheert moens zone wijlen jans in deen zijde ende arnt vander/
vorst gheheeten putte(re) in dande(r) zijde in p(rese)nc(ia) der scepen(en) van/
loven(e) ghestaen sijn met malcande(re) ov(er)comen ende eens wordde(n) voir/
hen hue(re)n oiren erve(n) ende naecomelinghen alse vanden goiden beg(re)pe(n)/
inde scepen(en) brieven van loven(e) aen den welken dese(n) tegew(er)dige(n)/
brief gheannexeert es derfvurw(er)den ende (con)dicien h(ier) nae besc(re)ve(n)/
Inden yersten dat de voirs(creven) gheert [en(de) sijn naecomelinghen] alle de
huysinghe stalle(n) dufhuys en(de)/
schue(re)n opden dach van heden opde selve goede staende tot ewighe(n)/
daghen van wanne ende van dake ende ande(re)n ty(m)meringhen/
ende rep(ar)acien in goeden staete ende wesene houden sulle(n) zonder/
die te moghen afbreken of laten v(er)gaen in e(n)nig(er) manie(re)n/
It(em) dat voort de selve gheert noch sijn erfghenamen oft naecomel(inghen)/
negheenderhande opgaende hout opde selve goede nu nocht in/
naec(omende) tijden en zullen moghen afhouwen noch laten afhouwe(n)/
dan alleene tijtverdich strunchout Behoud(elic) oft aen de huysinge/
e(n)nighe ty(m)merage ghebrake dat de selve gheert ende sijn naecomelinge(n)/
t(er) p(rese)ncien ende bij consente des voirs(creven) arnts oft sijnre naecomelinge(n)/
die opde selve goede neme(n) sullen moghen ende afhouwen t(er) mi(n)ster/
schaden zond(er) arghelist Due(re)nde de voirs(creven) vurw(er)den ende/
gheluften tot dier tijt ende wijlen dat den voirs(creven) arnde afghequete(n)/
sijn sullen alsulke iiii mudden rox ende eene(n) rinssche(n) gul(den) ende/
tderdendeel van eene(n) rinssche(n) gul(den) erflic als hij opde vors(creven) goede/
v(er)creghen heeft en(de) niet lang(er) Welke vurw(er)den ende gheluften vors(creven)/
heeft ghelooft de vors(creven) gheert voir hem sine(n) erve(n) en(de) naecomelinge(n)/
den voirs(creven) arnde te houde(n) te voldoene en(de) te volbringhen(e) op eene(n)/
banduyn van x rijd(er)s tot behoef ons ghened(ichs) she(re)n tsh(er)toghen/
alsoe dicke ende menichwerven de selve gheert oft sijn naecomel(ingen)/
h(ier) inne ghebreclick bevonde(n) wordde(n) cor(am) borchove(n) berghe/
maii xxvi a(nn)[o] lxvii
Nagekeken door: Mi-Je Van Gils
Moderator: Mi-Je Van Gils
Laatste update:: 2019-03-11 door kristiaan magnus