It(em) gielijs vand(er) stoct sone jans wijle(n) vand(er) stoct heeft opged(ra)ge(n)/ met recht(er) vertidenissen een huys en(de) hof met sijnd(er) toebehoerte(n)/ en(de) mette(n) stalle acht(er) de(n) selve(n) hof gelege(n) gelijc de selve goede/ gelege(n) sijn inde bieststrate tussche(n) de goede jans va(n) brake in/ deen zijde en(de) de goede henrix wile(n) va(n) bev(er)litz in dandre/ zijde ende den vors(creven) gielijse met alle(n) rechte h(ier) af uutgedaen/ en(de) met alle(n) uutgewijst sijnde Soe sijn d(aer) inne gegoet ende/ gecleet gielijs va(n) geldenake barbier ende katline uuten/ lyemi(n)gen sijn wijff alsoe lange als sij beide(n) leve(n) sulle(n) en(de) de/ lanxte leven(de) va(n) hen beide(n) leve(n) sall en(de) niet lang(er) bij orlove/ en(de) manisse sh(ere)n vande(n) gronde en(de) wijsdo(m)me d(er) scepen(en) opde vurw(er)d(en)/ en(de) (con)dicie(n) hier ond(er) bescr(even) Te wete(n) inde(n) ierste(n) dat de vors(creven)[nae de doot vande(n) vors(creven) gehuyssce(n) en(de) des leste(n) leven(de) va(n) hen beide(n) de vors(creven) goede wed(er)o(m)me volge(n) sulle(n) de(n) vors(creven) giel(ijse) vand(er) stoct oft sine(n) erfgenamen It(em) dat de selve] gehuyssche(n) huer leefdage lang due(re)nde de vors(creven) goede wel/ en(de) loflic houde(n) sulle(n) op hue(re)n cost va(n) wande en(de) va(n) dake in goede(n)/ state En(de) dat voert de selve gehuyssce(n) tussche(n) dit en(de) sinte/ sinte jansdach bap(tis)[te(n)] naestc(omende) aende vors(creven) goede v(er)ti(m)me(re)n sulle(n) iii/ peet(er)s t(er) goed(er) waerh(eit) en(de) desgelijx [oec] tot hue(re)n coste doen sollen/ viercant o(m)megaens ond(er) de plate vande(n) vors(creven) stalle en(de) des/ sal hen gielijs vand(er) stoct vors(creven) te hulpe(n) geven een vat calx/ En(de) oft de(n) vors(creven) gehuyssche(n) in tgene dat vors(creven) steet iet te/ nauwe gesciet wa(r)e dat heeft hen tot hue(re)r manisse(n) de vors(creven)/ gielijs vand(er) stoct geloeft te voldoene en(de) de vors(creven) goede/ op xxvi stuv(er)s oft die weerde d(aer) af in alrehande(n) chijse en(de)/ op ii rijd(er)s lijfpens(ien) welke ii rijd(er)s lijftochte(n) [die] de vors(creven) gehuyssche(n) tot/ hue(re)r beid(er) live h(ier) voermaels aende selve goede v(er)crege(n) hebbe(n)/ als voir alle laste(n) letsele(n) co(m)me(re)n en(de) calaengie(n) voirdae(n) te/ wara(n)de(re)n alsoe dat dat de(n) selve(n) gehuyssche(n) hue(re)r beid(er) leef(dage)/ lang due(re)nde vast en(de) zek(er) sijn moege Welke(n) co(m)m(er) vorscr(even)/ de vorss(creven) gehuyssche(n) jaerlix te(n) behoerlike(n) tijde(n) gelde(n) en(de) [geloeft hebbe(n) te te] betale(n)/sulle(n) alsoe dat mids faute(n) va(n) betalinge(n) va(n) die(n) de(n) vors(creven)/ gielise vand(er) stoct noch sine(n) goede(n) vors(creven) egeen scade gesciede(n) en sal/ cor(am) vynck cok(eroul) m(ar)cii xvi