Vanden eissche die m(ar)griete aerts gedaen heeft voir meye(r)/ ende scepen(en) van loven(e) inde banc ald(aer) tot ja(n)ne va(n) raetshove(n)/ va(n) zeke(re)n crucken van eenre m(er)gelkiste(n) een paer yse(re)n/ stertten eene(n) acht(er)ram mette(n) getuyge vanden p(er)de en(de) van/ ii goreele welke porceele(n) de vors(creven) jan [va(n)] huer alsoe sij seide/ gehadt hadde bege(re)nde d(aer) o(m)me va(n) dien va(n) hem betali(n)ge/ groetsende die tsame(n) t(er) so(m)me(n) va(n) vi peet(er)s D(aer) op de vors(creven)/ jan hem v(er)antw(er)dende de vors(creven) porceele(n) genoech kinde gehadt/ hebbende m(aer) seide dat sij die te hoghe gevalueert hadde/ zund(er)linge vande(n) vors(creven) crucke(n) die sij scatte op i rijd(er) en(de)/ p(rese)nteerde va(n) dier crucke(n) en(de) vand(en) and(ere)n huer te voldoene/ t(er) taxacie(n) va(n) goede(n) ma(n)ne(n) die hen des v(er)stonde(n) en(de) d(aer)/ af te spreke(n) mochte(n) wete(n) Soe hebbe(n) de scepen(en) va(n) loven(e)/ t(er) manisse(n) smeyers gewijst voir een vo(n)nisse dat de vors(creven)/ ja(n) va(n) raetshove(n) d(er) vors(creven) m(ar)griete(n) va(n) hue(re)n eissche/ voldoen sall naevolgen(de) sijnre p(rese)ntacie(n) die hij gep(re)se(n)teert/ heeft cor(am) lye(mingh)[en] witte roeloffs cok(eroul) ouder(ogghe) m(ar)cii xxiiii