Cont zij allen lieden nae dien dat acht(er)volgen(de) den tractate tusschen den/ kercmeest(ere)n der kercken van goetsenhoven in deen zijde ende joffr(ouwe) marie(n)/ vander saert wed(uwe) adriaens wijlen gaus in dand(er) zijde ghedaen ende/ ghesloten als vanden wynhove gheheeten thoff vander calst(ere)n mette(n) huyse(n)/ wynnen(de) lande bog(ar)den chijse(n) pachte(n) ende alle ande(re)n sine(n) toebehoirte(n) gelege(n)/ te goetsenhove(n) de selve joffr(ouwe) marie alle huer recht ende actie huer/ inden voirs(creven) hove toebehoren(de) opghedraghe(n) ende dair af verteghen heeft/ ende dair inne den voirs(creven) kercmeest(ere)n tot behoeff der voirs(creven) kercken guedinge/ ghedaen Ende mits den selve(n) tractate de voirs(creven) kercke der voirs(creven) joffr(ouwe)/ marien voir huer voirs(creven) afghegaen actie ende tricht [recht] schuldich es vestich(eit)/ te doene ghelijck als de selve kercmeest(ere)n dat ope(n)bairlick keinden van/ twintich sacken rogx en(de) van vijff sacken t(ar)wen elcx grains goet en(de)/ paiabel der maten van thiene(n) ende alsulcks pachts als jairlix opde vors(creven)/ goede wassen sall ende om eene(n) sack appelen j alle jairre tsinte/ andriesmisse apostels te betalene ende te loven(e) sond(er) cost oft last der/ voirs(creven) joffr(ouwe) marie te leve(re)ne alsoe langhe de selve joffr(ouwe) maire leve(n) sal/ ende niet langhe(r) Soe eest dat acht(er)volgen(de) dien en(de) o(m)me der selv(er) joffr(ouwe)/ marie(n) vestich(eit) van dien te doene h(er) woute(r) thonijs p(ro)chiaen der kercken/ van goetssenhove(n) h(er) henrick vanden poele priest(er)s meest(er) joerdaen claes/ meest(er) in arten jan vanden poele zone wijlen jans jan kants zone wijle(n)/ claes goessen becuers thielman van bost ende daneel luyte(n) alle wonen(de)/ te goetssenhove(n) om(n)es renu(n)cian(tes) in p(rese)ncien der scepen(en) van loeven(e) ghestae(n)/ hebben ghekent ende ghelijt dat sij onghesund(er)t en(de) onv(er)scheyde(n) en(de) elck voir/ all der voirs(creven) joffr(ouwe) marien schuldich sijn twintich sacken rogx ende/ vijff sacken tarwen elcx grains goet ende paiabel der maten en(de) pacht vors(creven)/ ende eene(n) sack appelen jairlijk(er) lijfrinte(n) ten live der voirs(creven) joffr(ouwe) marien alle/ jaire te betalene en(de) te leve(re)ne ghelijck voirs(creven) steet der voirs(creven) joffr(ouwe) marien/ alle jaire alsoe langhe als sij leve(n) sal en(de) niet lange(r) ende telken t(er)mijne/ als vervolghde schout Welke lijfpens(ien) voirs(creven) de voirs(creven) de voirs(creven) schulde(re)n/ ghelooft hebben onghezund(er)t en(de) onv(er)scheyde(n) en(de) elc voir all der voirscr(even)/ joffr(ouwe) marien wael ende wettelick van jaire te jaire ten t(er)mijne/ voirs(creven) te geldene te betalen(e) ende te leveren(e) in alle der vueghen en(de)/ manie(re)n voirscr(even) zond(er) e(n)nich vertreck d(air) inne te makene oft te zueken(e)/ in e(n)nig(er) manie(re)n Gheloven(de) voort de voirs(creven) schulde(re)n onghesund(er)t ende
//
elck voir al als voe(r) oft e(n)nich van hen aflivich wordde inde/ stad vanden ghene(n) die alsoe aflivich wordde eene(n) ghelijken man/ alsoe rijck ende wel ghegoet in brabant gheseten den rechte/ van des(er) stad bedwenkelick sijnde als de ghene van hen die/ alsoe aflivich wordden wa(r)e te settene ende te bringhene voir/ scepen(en) van loeven(e) die der voirs(creven) joffr(ouwe) marie(n) die ghelijke/ ghelufte doen sall nae tenuere van desen scepen(en) brieve die/ sij der voirs(creven) joffr(ouwe) marie(n) ghedaen hebben ende dat altoes te doen/ vernuwen alsoe menichwerve(n) alst gheviele dat e(n)nich van hen/ aflivich wordde Met condicien ende vurw(er)den dat de voirs(creven) joffr(ouwe)/ marie de voirs(creven) lijfpens(ien) niet en sal moghe(n) vercoepe(n) noch versette(n)/ de voirs(creven) kercke en sal altoes [d(air) af] de naeste sijn voir den selve(n) prijs dat/ die vercocht oft versedt souden wordde(n) Renu(n)cieren(de) in desen de voirs(creven)/ schulde(re)n allen p(ri)vilegie(n) vrijheid(en) costume(n) usagen van alle(n) stede(n) dorpe(n)/ ende plaetsse(n) ende voirt alle ande(re) p(ri)vilegie(n) ende vrijheid(en) die hen h(ier)/ inne diene(n) mochte(n) oft schoene(n) ende der voirs(creven) joffr(ouwe) marie(n) in e(n)nig(er)/ manie(re)n hynde(re)n oft letten cor(am) roeloffs cok(eroul) maii iiii[ta]