SAL8133, Akte: R°248.1-V°248.1 (423 van 481)
Akte R°248.1-V°248.1
Act
Datum: 1463-05-26
Transcriptie
2020-03-13 door myriam bolsIt(em) niet wederstaen(de) der voirs(creven) geluften vande(n) lx rijd(er)s soe/
es vurw(er)de oft de voirs(creven) joffrouwe m(ar)griete colve binne(n) eenre/
maent nae sinte jansmisse naestcomen(de) soe vele gedoen can dat/
cornelijs van berghen ende gielijs van duffle hen indi(vi)sim/
voir scepen(en) van loeven(e) v(er)binden en(de) v(er)oblige(re)n in vijf rijd(er)s/
lijftochten ten live jans roelants vors(creven) oft ten live emonds/
roelants sijns brued(er)s oft lodewijx roelants den jonge(n) sijns/
brued(er)s oft joffr(ouwe) marie(n) roelants sijnre sust(er) dair aff de/
vors(creven) cornelijs en(de) gielijs va(n) duffle en(de) oec joffrouwe m(ar)griete/
weduwe des vors(creven) wijle(n) jans va(n) rode hue(re)n koese hebbe(n) sulle(n)/
tot welke(n) vanden iiii live(n) vors(creven) sij hen ind(er) selv(er) lijftochte(n) alsoe/
lange als dlijff dat zij kiesen sulle(n) leve(n) sal v(er)binde(n) sulle(n)/
wille(n) Ende de selve joffr(ouwe) m(ar)griete noch vestich(eit) doet va(n)/
noch i rijder lijftochte(n) ten selven live dat dan dat gedae(n)/
sijnde de selve joffrouwe m(ar)griete en(de) huer goede vors(creven) voe(r)/
de vors(creven) lx rijd(er)s v(er)obligeert sijnde vand(er) selv(er) gelufte(n) va(n)/
lx rijd(er)s i ongehoude(n) sijn sall En(de) in gevalle oft sij des niet/
gedoen en conde dat dan de vors(creven) jan roelants aende vors(creven)/
goede v(er)hale(n) sal moegen vijftich rijd(er)s als vande(n) lx rijd(er)s vors(creven)/
en(de) de vors(creven) raes dander x rijd(er)s met alsoe vele pachts/
als vanden lijftochten in dese twee beloepe(n) [naevolgen(de) gelufte(n) geruert
en(de) d(air) af de vors(creven) lod(ewijk) jan en(de) raes d(er) vors(creven) joffr(ouwe)
m(argrie)[te()] scad(eloes) geloeft hebbe(n) tontheffe(n) verloepen] soude sijn vanden leste(n)/
t(er)mine van elk(er) lijftochten totte(n) daghe toe dat sij de vors(creven)/
pe(n)ni(n)ge aende vors(creven) goede niet v(er)coepe oft and(er)ssins gemaect/
soude hebbe(n) met gaders de costen uut ocsuyne vande(n) v(er)coepe/
gebuerende En(de) oft soe gebuerde dat de vors(creven) joffrouwe/
m(ar)griete soe vele dade dat de vors(creven) cornelijs en(de) gielijs/
van duffle hen v(er)bonden in alsulke(n) x rijd(er)s lijfpens(ien) d(air) inne/
de selve joffr(ouwe) m(argrie)[te] meynt dat de vors(creven) cornelijs tot/
huerw(er)t gehoude(n) is tot enige(n) vanden iiii live(n) vorscr(even)/
dat dan de vors(creven) lodewijk roelants en(de) jan roelants sijn/
sone sculdich sulle(n) sijn die vestich(eit) va(n) dien x rijd(er)s/
aente neme(n) Behoudelic d(er) selv(er) joffr(ouwe) m(ar)griete(n) oft yem(ande)/
die huer alsd(an) gelieve(n) sal hen heffen inde iiii rijd(er)s vande(n)
//
x rijd(er)s vors(creven) alsoe lange als dlijff leve(n) sal daer die/ lijftochte op staen sal en(de) hue(re)n eygene(n) wille d(aer) mede/ te moegen doen cor(am) eisd(em)
//
x rijd(er)s vors(creven) alsoe lange als dlijff leve(n) sal daer die/ lijftochte op staen sal en(de) hue(re)n eygene(n) wille d(aer) mede/ te moegen doen cor(am) eisd(em)
Nagekeken door: Mi-Je Van Gils
Moderator: Mi-Je Van Gils
Laatste update:: 2019-03-11 door kristiaan magnus