It(em) rombout de becke(re) gheheeten baecx ende m(ar)griete poets gheete(n)/ meeus sijn wijff als vader ende moeder ende wettighe momboren/ rommekens de becke(re) gheheete(n) baecx huers soens in hue(re)n broede/ sijnde den welken sij in desen op hen ghenome(n) hebben en(de) ghelooft/ te vervane in p(rese)nc(ia) hebben ghekent ende ghelijt dat willem de/ coninck hen volcomelick ghebetert ende versoent heeft en(de) vand(er)/ zoene(n) ende bet(er)nisse nae recht d(aer) toe staen(de) ghenoech ghedaen heeft/ van dien dat willeken de coninck insghelijcx wesende inde(n) broede des/ voirs(creven) willems de coninck sijns vad(er)s den voirs(creven) rommekene in sijnre oeghe(n)/ ghequest hadde alsoe dat de selve rommeke(n) mits d(er) selv(er) quetssue(re)n tgesichte/ vander selv(er) oeghen verloren heeft ende oic den meest(er) d(aer) af betaelt/ Gheloven(de) d(aer) af de voirs(creven) rombout de becke(re) ende m(ar)g(rie)te sijn wijff inde(n)/ name van henselve(n) ende van weghen des voirs(creven) ro(m)mekens huers zoens/ den welken sij ghelijck voirs(creven) steet op hen ghenome(n) hebbe(n) en(de) ghelooft/ te vervane den voirs(creven) willem(me) de coninck noch willekene sine(n) zone/ ne(m)mermeer aen te sprekene te moeyen(e) noch te vexe(re)ne bij he(n) selve(n) noch bij/ yeman(de) and(er)s in e(n)nige(n) rechte gheestelijck noch weerlick in e(n)nig(er) manie(re)n/ cor(am) roelofs cok(eroul) junii t(er)cia