It(em) lodewijk yerpein gehete(n) int lymborch wonen(de) te loeven(e) heeft/ geloeft op lantzoene henricke g(er)truyden als wettigen vader en(de)/ momboir zeghers en(de) ghijsbrechts sijnre kind(ere)n onder huer daghe zijnde/ te doene een bedevaert te roemen en(de) d(er)wert te porren tons(er) liev(er)/ vrouwen daghe nati(vi)tas naestc(omende) oft binnen viii daghe(n) d(aer) nae ombeg(r)[e]pe(n)/ en(de) goede waerh(eit) d(aer) af te bringhen nae der stat recht van loeven(e)/ oft alsd(an) voe(r) den selve(n) wech gheve(n) en(de) betale(n) x peet(er)s d(er) mu(n)ten/ ons gened(ichs) he(re)n ts(er)toge(n) van bourg(oig)[ne(n)] en(de) va(n) brabant xviii st(uvers) voe(r)/ elke(n) d(er) vors(creven) peet(er)s gerekent als v(er)volghde schout alse voe(r)/ de zalicheit vand(er) zielen arnts wile(n) g(er)truyde(n) sone des vors(creven) henrix/ en(de) brued(er)s zeghers en(de) ghijsbrechts vors(creven) biden vors(creven) lodewijke van/ live t(er) doot gebracht sijnde Hier af sijn borgen des vors(creven) lodewijx/ als principael sculde(re)n ongesund(er)t en(de) omv(er)sceiden en(de) elc voir all/ jan oure wonen(de) te namen peet(er) vand(er) hoeven en(de) claes boen/ de jonge beide vleeschouw(er)s wonen(de) te loven(e) welke borghen de/ vors(creven) lodewijk h(ier) af scadeloes geloeft heeft tontheffene Voirt heeft/ geloeft de vors(creven) jan oure den vors(creven) peet(ere)n en(de) clase tontheffene/ costeloes en(de) scadeloes Geloven(de) voerts de vors(creven) lodewijk peet(er)/ en(de) claes oft enich van hen aflivich worde dat sij inde stat van/ dien eene(n) and(ere)n gelike(n) borge wed(er)o(m)me sette(n) sulle(n) en(de) h(ier) af/ heeft de vorg(enoemde) lod(ewijk) den selve(n) peet(ere)n en(de) clase geloeft tontheffe(ne)/ cor(am) roelofs cok(eroul) junii v[ta]