It(em) de vors(creven) lodewijc yerpein jan oure peet(er) vand(er) hoeven en(de) claes/ boen die jonghe hebben geloeft indi(vi)sim op lantzoene henricke/ g(er)truyde(n) als wettige(n) vader en(de) momboir zeghers en(de) ghijsbrechts/ sijnre kind(ere)n vors(creven) ond(er) huer daghe sijnde vive(n)veertich gulde(n)/ peet(er)s d(er) mu(n)ten ons gened(ichs) h(ere)n ts(er)toge(n) van burg(oig)[ne(n)] en(de) va(n) brabant/ te xviii st(uvers) te wetene deen helicht d(air) af te kers(misse) naestcom(ende)
//
en(de) dand(er) helicht sinte jans(misse) bap(tis)[te(n)] d(air) naestvolgen(de) te betalene en(de)/ telke(n) t(er)mine als v(er)volghde schout als voe(r) de zoene vand(er) doot/ arnts wilen g(er)truyden vors(creven) biden vors(creven) lodewijke yerpein van live/ t(er) doot gebracht sijnde Hier inne gevorwert en(de) ondersproke(n) oft/ soe gebuerde dat de vors(creven) ierste helicht vanden vors(creven) xlv peet(er)s/ te kers(misse) naestc(omende) niet betaelt en wordde dat alsd(an) de vorscr(even)/ sculd(er)s die helicht t(er) lijftochte(n) stellen sulle(n) en(de) hen d(air) inne voe(r)/ scepen(en) van loeven(e) v(er)binden ten live zeg(er)s en(de) ghijsbrechts vors(creven)/ En(de) oic oft soe gebuerde dat die ii[te] helicht vande(n) selven/ xlv peet(er)s sinte jans(misse) bap(tis)[te(n)] d(air) naestvolgen(de) oic niet betaelt en/ wordde dat dan insgelijx die selve helicht gestelt sal worde(n)/ t(er) lijftochte(n) ten live d(er) selv(er) gebrued(ere)n en(de) dat de selve sculd(er)s/ hen d(air) inne v(er)binen sullen gelijc vanden and(ere)n voirscr(even) steet Behoud(elic)/ den selven lod(ewijke) die vors(creven) lijftochten te moegen quijten alst hem/ gelieft elken pe(n)ni(n)c met x[en] nae gewoente des rechts van/ loeven(e) D(air) inne besproken soe wa(n)neer hij die sal willen/ afquiten dat hij dat drie maent te voe(re)n sculdich sal sijn te/ condigen en(de) dat voircondige(n) alsoe gedaen sijnde Soe sal/ de vors(creven) henric g(er)truyden sculdich sijn ten tijden als die vors(creven)/ lodewijc die vors(creven) lijftochten quite(n) sal goede redelike ende/ loflike borchtochte oft vesticheit te doene voir tgene oft/ die kinde(re) tot hue(re)n dagen come(n) sijnde de vors(creven) zoene niet/ aenneme(n) en wouden dat dan tgelt vand(er) quiti(n)gen come(n)de/ den vors(creven) lodewijke gerestitueert sal worden met gad(er)s oec/ den x peet(er)s die de selve lodewijk voir den vors(creven) wech/ te roemen te doene geve(n) mach in gevalle oft de vors(creven) lod(ewijc)/ den selve(n) wech niet en dade m(air) die x peet(er)s d(air) vore/ betaelde p(ri)mi duo insup(er) p(ri)m[(us)] cor(am) eisd(em)