It(em) andries van roesmeer wonen(de) te loeven(e) inden witte(n) hoevel/ renu(n)cieren(de) in desen d(er) privilegie(n) der univ(er)siteit van loven(e) in p(rese)nc(ia)/ heeft ghehuert ende bekent dat hij ghij ghehuert heeft teghen/ boudewijne zoete de vorsterie desselfs boudewijns bynne(n) loven(e) gelege(n)/ Te houden(e) ende te hebben(e) van s(in)te jansmisse baptiste(n) lestlede(n) eene(n) t(er)mijn/ van i(½) jairen langk due(re)nde deen nae dande(r) zond(er) myddel volgen(de)/ elcx jairs dae(re)nbynne(n) voe(r) en(de) o(m)me xxviii gulden(en) rijd(er)s d(er) mu(n)te(n) ons(er)/ gened(ichs) shee(re)n tsh(er)toge(n) van bourg(oignen) en(de) van brabant goet en(de) ghehinge/ tallen halve(n) jaire deen helicht d(air) af te betalen(e) ende inden wissel/ te loven(e) te leveren den voirs(creven) boud(ewijne) den voirs(creven) t(er)mijn due(re)nde q(uolibet) ass(ecutu)[m]/ ende elken t(er)mijn op eene(n) banduyn van eend(er) croene(n) tot behoefs ons/ ghened(ichs) shee(re)n voirs(creven) Met condicie(n) hier inne ond(er)sproke(n) dat de voirs(creven)/ andries de voirs(creven) vorsterie wel en(de) loflick behoirlick bediene(n) sal sonder/ hem inden selve(n) dienste te misdragen(e) en(de) oft hij hem dair inne mesdien(de)/ alsoe dat uut ocsuyne van dien de voirs(creven) vorsterie ledich bleef staen(e)/ oft dat hij oic vande(n) hee(re) af ghesedt wordde oft niet ghedoeght en/ wordde te dienen(e) oft oic afhendich wordde dat dat den voirscr(even)/ boudewijne aen sijn hueringhe (n)egheene onstade doen en sal al waert/ oic alsoe dat de selve boud(ewijn) mits der afhendich(eit) des voirs(creven) andries oft/ oic mits der verbuerte(n) van niet te moghen diene(n) de voirs(creven) vorsterie/ selve aenv(er)de ende bediende It(em) oft bynne(n) de(n) voirs(creven) t(er)mijne gebuerde/ dat bij ordinancie(n) ons gened(ichs) shee(re)n sh(er)toge(n) voirs(creven) oft and(er)s de diene(re)n/ bynne(n) d(er) stad van loven(e) in hue(re)n p(er)soene huer vorsterie(n) selve moste(n)/ verdyene(n) dat dan de voirs(creven) boud(ewijn) de voirs(creven) vorsterie wed(er) om sal moghe(n)/ aenv(er)den en(de) de voirs(creven) andries sal alsdan ghestaen vand(er) hueringhe(n) te/ bet(alen) nae ghelande vanden tijde It(em) want de voirs(creven) boud(ewijn) den voirs(creven) andriese/ gheleent heeft viere paer vete(re)n ghetaxeert op xii peet(er)s te xviii st(uvers)/ den peet(er) gherekent soe heeft de selve andries te sine(n) afscheyde(n) ghelooft/ die te restitueren(e) ende oft sij alsd(an) arg(er) bevonde(n) wordde(n) tsurplus van dien op te/ leggen(e) En(de) van al des voirs(creven) steet sijn borghe(n) des voirs(creven) andries als/ p(r)ncipael schulde(re)n onghezu(n)dert ende onv(er)scheyde(n) ende elck voir all jannes/ die ruyssche hubrecht en(de) barthelmeeus sruyssche(n) ghebruede(r) sijn zoene(n)/ en(de) gielijs die becke(re) de jonghe sijn zoene(n) wijng(ar)de(r) alle renu(n)cieren(de) in dese(n)/ d(er) p(ri)vilegie(n) d(er) univ(er)siteit van loeven(e) ghelijck voirs(creven) steet Et p(ri)mus
//
Gheloven(de) voorts de voirs(creven) andries den voirs(creven) boud(ewijne) oft e(n)nich vande(n)/ voirs(creven) borge(n) bynne(n) den voirs(creven) t(er)mijne(n) aflivich wordde(n) dat hij dan inde/ stad van dien eene(n) ande(re)n borghe dair voe(r) goet genoech sijnde wed(er)om/ stelle(n) sall cor(am) lyeminghe(n) roelofs aug(usti) iiii[ta]