It(em) arnt vand(er) hofstad en(de) willem vand(er) hofstad sijn zone/ tyerst uut sine(n) broede gedaen sijnde beyde wonen(de) tot thieldonck/ in p(rese)nc(ia) hebben ghelooft ind(ivisim) vrancken bogart arnde van/ bettenrode arnde moens gielijse vande(n) eynde gheheete(n) vande(n)/ gasthuyse en(de) elken bezund(er)t schadeloes te houden(e) en(de) tontheffene/ van alsulken eene(n) rijd(er) lijftochte(n) ten live jans potent en(de) ka(tli)[nen]/ m(ar)chants dair voe(r) de voirs(creven) vrancke bog(ar)t als p(ri)ncipael met den/ voirs(creven) p(er)soene(n) als borgen verobligeert es met scepen(en) brieve(n) dair/ op gemaect gedateert int jair ons(er) hee(re)n xiiii[c] lxi xxvi daghe in/ octobri Ende de selve lijftochte van sinte m(er)tensmisse naistcomen(de)/ ov(er) ii jairen afte leggen(e) ende af te quijten(e) alsoe dat de selve vrancke/ en(de) de voirs(creven) p(er)soene(n) dair af int geheele ontlast zulle(n) sijn en(de) blijve(n)/ ende oft de selve vrancke oft e(n)nich vande(n) ande(re)n p(er)soene(n) mits der/ lijftochte(n) voirs(creven) e(n)nichsins ghepraempt oft beschedicht wordden het wa(r)e/ vand(er) p(ri)ncipaeld(er) lijfpen(sien) jairlijker rinte(n) oft ande(re)n schade(n) van vroent/ coste(n) oft ande(re)n coste(n) hoedanich die wa(r)en dair af hebben oic gelooft/ de voirs(creven) arnt vand(er) hofstad en(de) sijn zone den voirs(creven) vrancken/ en(de) den ande(re)n p(er)soene(n) en(de) elken bezund(er)t die schade op te richten/ en(de) tontheffene Et p(rim)[(us)] cor(am) lyeminge(n) vyncke augusti xvi