It(em) lijsbeth vanden gayere gheheeten vanden vekene jorijs/ en(de) robbrecht van stapele hue gebruede(re) huer natuerlijke kynde(re)/ in p(rese)nc(ia) der scepen(en) van loven(e) ghestaen hebben ghekint ende/ ghelijt dat jan van berthem ende joffr(ouwe) (christ)ine svilters sijn/ huysvrouwe weduwe yweyns wijlen rampart hen in hue(re)n hande(n)/ ov(er)ghegeve(n) ende ghelevert hebben sesse scepen(en) brieve(n) van loven(e)/ van lijftochte(n) staen(de) ten lijve der voirs(creven) ghebruede(re)n Te weten den/ eene(n) dair af van v rinssche gulden(en) die arnt arnt vanden houte/ woute(r) streecmans reyne(r) vrancx jan erlebouts en(de) willem van/ buetschore Item den ande(re)n scepen(en) brief insgelijcx spreken(de) van/ vijff rinssche gul(den) die ghijsbrecht vand(er) h(er)strate(n) reyne(r) truydens/ en(de) gielijs colx It(em) den derden van iii rinssche gulden(en) die jan vand(er)/ haghen de jonghe jan vand(er) grauwerme(re)n henrick yveten henrick steenbercx/ en(de) machiel vand(er) haghe(n) It(em) den vierde(n) van eene(n) rijde(r) dair inne/ woute(r) streecmans It(em) den vijfsten oic van i rijd(er) lijftochte(n)/ die arnt vanden houte jan de clerck de jonghe en(de) jan de clerck sijn/ vader en(de) den vi[ste(n)] brief van eene(n) halve(n) rijd(er) lijftochte(n) die jan/ coudeberchs de jonghe en(de) jan coudeberch sijn vader schuldich sijn Van/ welken scepen(en) brieve(n) van loeven(e) voirs(creven) en(de) van alle(n) rinte(n) en(de) p(ro)fijte(n)/ die de voirs(creven) ghehuysschen ende wijlen weyn ghehadt moghe(n) hebben/ den voirs(creven) ghehuysschen ope(n)bairlick ghequiteert hebbe(n) Gheloven(de) hen/ dair af ne(m)mermeer aente spreken(e) te moyen(e) noch te vexeren(e) bij he(n)/ selve(n) noch bij yemande and(er)s in e(n)nige(n) rechte(n) geestelick noch weerlick/ in e(n)nig(er) manie(re)n cor(am) cokeroul ouderogghe sept(embris) xiii