SAL8133, Act: V°225.4 (394 of 482)
Search Act
previous | next
Act V°225.4  
Act
Date: 1463-04-26

Transcription

2020-03-02 by myriam bols
It(em) nae dien dat reyne(re) vanden hoevelde zone wijle(n) reyners voir/
meye(r) ende scepen(en) van loeven(e) aengesproken heeft jasp(ar)en van ov(er)wynghe/
scrij(n)make(r) alse van dat de selve jaspar des ghelede(n) mach sijn xv oft xvi/
jairen den voirs(creven) reyne(re)n d(air) sij tsame(n) vrachten inden huyse jans amelrijcx/
ghewondt en(de) ghequest zoude hebben Versueken(de) dair af den meest(er) voir af/
ghedaen te hebbene en(de) bet(er)nisse dair af van eene(n) weghe te mylane(n) oft alsulke(n)/
bet(er)nisse als de scepen(en) wijsen zulle(n) ende de voirs(creven) jaspar dair af hem/
met sijnd(er) eedt ontschuldicht heeft den welken hij volcomelijken gedaen/
heeft zond(er) dien dat die p(ar)tie dair e(n)nighe calangie op gewerpe(n) heeft/
Soe es vonnislijken ghewijst dat de voirs(creven) jasp(ar) ghestaen sal metter eedt/
die hij ghedaen heeft cor(am) witte roelofs cok(eroul) ouder(ogghe) aprilis xxvi
ContributorsMi-Je Van Gils
Moderated bymyriam bols
Last update: 2019-03-11 by kristiaan magnus