SAL8133, Act: V°272.1 (472 of 481)
Search Act
previous | next
Act V°272.1  
Act
Date: 1463-06-22

Transcription

2020-03-20 by myriam bols
It(em) jan ylkaerts gheheeten laureys vorste(r) te lov(ene) in p(rese)nc(ia) heeft/
ghelooft janne van beerghe oudecleed(er)cope(r) tontheffene scadeloes/
van dien vijff rinssche gul(denen) lijft(ochten) staen(de) ten live joes ende/
gheerts uut(er) helicht ghebrued(er)s dair inne lod(ewijck) uut(er) helicht/
en(de) joffr(ouwe) m(ar)g(rie)[te] sijn huysvrouwe vad(er) en(de) moed(er) d(er) voirs(creven) ghebrued(er)s/
theffen hadde(n) hebbe(n) in welke lijfpen(sien) lod(ewijck) van oppendorp als/
p(ri)ncipael de voirs(creven) jan van beerghe gheert va(n) ov(er)dijle/
ende willem de clieve(re) als borge(n) desselfs lod(ewijx) verbonden/
staen gelijck de scep(enen) br(ieven) d(air) op gemaect aug(usti) xxi a(nn)[o] lvi[tich]/
dat inhoude(n) en(de) beg(ri)pe(n) ende de selve lijfpen(sien) te lossen(e) en(de)/
af te quijten(e) bynne(n) xiiii dage(n) naistc(omende) alsoe dat de voirs(creven)/
jan van beerghe en(de) sijn goede d(air) af los vry en(de) ongepraempt/
sijn zulle(n) en(de) blive(n) En(de) voort den selve(n) janne van beerge/
op te leggen(e) en(de) te bet(alene) alsulke coste(n) en(de) laste(n) als de selve/
jan van beerge dair om ghehadt en(de) gedaen heeft/
cor(am) eisd(em)
ContributorsMi-Je Van Gils
Moderated byMi-Je Van Gils
Last update: 2019-03-11 by kristiaan magnus