It(em) de p(ro)visoren en(de) momboren vand(er) tafelen scheilichs geests/ van sinte peet(er)s te loven(e) in p(rese)nc(ia) hebben uutgegeve(n) en(de) bekint/ dat sij uutgegeve(n) hebben van wegen des selfs heilegeests/ qui(n)tene van meerbeke wonen(de) te lovenjoel d twee
//
stucken lants den selve(n) heilegeeste toebehoren(de) d(aer) af deen/ stucke gelege(n) is [opden mole(n)wech] tusschen de goede jacops lyeminx op deen zijde/ en(de) de goede daneels vanden dale op dandre zijde comen(de) mette(n)/ ynde tot aende herstraten en(de) dand(er) stuc es gelegen op den selve(n)/ moele(n)wech tusschen de goede gorijs vranx en(de) de goede gorijs/ van sinte peet(er)s Te houden te hebben en(de) te winnen van half/ merthe naestcomen(de) eene(n) t(er)mijn van ix jaren lang duerende/ deen nae dander sond(er) middel volgen(de) elx jaers dae(re)n bi(n)ne(n)/ vore en(de) o(m)me drie mudden rox goet en(de) paiabel met wa(n)ne/ en(de) met vede(re)n wel bereit d(er) maten van loven(e) alle jare sinte/ andriesmisse apostels te betalen dt en(de) inden huyse vanden/ vors(creven) geilegeeste te loven(e) te leve(re)n den selven heilegeeste/ den vors(creven) t(er)mijn due(re)nde q(uolibet) ass(ecutu)[m] Opde vurwerden en(de) (con)dicie(n)/ hier ond(er) bescr(even) Inden iersten [te wetene] dat de vors(creven) wi(n)ne de vors(creven)/ goede jaerlix sine(n) vors(creven) t(er)mijn due(re)nde wel en(de) loflic wi(n)ne(n)/ en(de) werve(n) sal gelijc regenoeten boven en(de) beneden en(de) de vors(creven)/ goede tot sine(n) afsceiden laten eens o(m)me gedaen en(de) dat oec de/ selve wi(n)ne binnen sine(n) drie lesten jaren niet en sal mogen/ hoervruchten cor(am) cok(eroul) ouder(ogghe) no(vembris) xxii