It(em) nae dien dat symoen die sprenghe(re) zone wijle(n) arnts/ voir meye(r) ende scepen(en) van loven(e) aenghesproken hadde janne machiels/ vissche(r) ende mathijse machiels sine(n) bruede(r) alse van eene(n) mudde/ corens lijftochte(n) ten live desselfs symoens ende ten live pauwels/ ende jans sijnd(er) bruede(re)n alse van dien i(½) mudde corens lijftochte(n)/ dair inne de voirs(creven) jan ende mathijs machiels met scepen(en) brieve(n)/ van loeven(e) die de voirs(creven) symoen ten selve(n) rechte over heeft/ ghehoude(n) sijn ende de he(re)n scepen(en) de sake van dien ghestelt hadde(n)/ ind(er) stad hande(n) ende tot hue(re)r t(er)minacie(n) Soe es yerst aenghehoert/ des in beyde(n) zijde(n) d(air) toe diene(n) mochte ghet(er)mineert dat de/ voirs(creven) jan en(de) mathijs ghehoude(n) zulle(n) sijn de(n) voirs(creven) symone vande(n)/ voirs(creven) mudde corens lijftochte(n) ghenoech te doene en(de) betalinge va(n) eene(n)/ mudde verloepens pachts en(de) d(air) voe(r) in hachte(n) gaen en(de) d(air) inne blijve(n)/ tott(er) wijle(n) toe sij dat voldaen zulle(n) hebbe(n) cor(am) kersmake(re) willem(air) burg(imagistris)/(et) aliis de pleno (con)silio novemb(ris) xxiiii videl(ice)t die m(er)curii