It(em) jan de pape sone wijlen weyns de pape in p(rese)nc(ia) heeft/ gehuert en(de) bekint dat hij gehuert heeft tegen henricke/ cluwens van wynghe als rintmeest(er) jonch(e)r jans hee(re) van/ merbays tpachthuys des selfs jonch(e)r jans gelege(n) te winge/ mette(n) huysen hoven en(de) met eene(n) beemde d(aer) toe behoiren(de)/ mette(n) ketele ii bruwe cuype(n) iii cuelvate(n) met vi andre/ vate(n) en(de) eene(n) trechte(r) tott(er) vors(creven) bruwe ca(m)me(n) behoe(re)nde/ Te houdene en(de) te hebbene va(n) kersmisse naestcomende/ onder half jaer lang due(re)nde voe(r) en(de) o(m)me xv gul(den)/ hollan(sche) elke(n) gul(den) voir xvi stuv(er)s gerekent te betalene/ te wetene alle halve jare v gul(den) d(aer) af den vors(creven)/ jonch(e)r ja(n)ne en(de) den vors(creven) henricke sine(n) rintmeest(er) oft/ den eene(n) va(n) hen beiden bring(er) sbriefs d en(de) telke(n) t(er)mine/ als v(er)volghde schout Opde vurw(er)de(n) hier nae bescr(even) te/ wetene dat de vors(creven) jan de pape de huysinge vande(n)/ vors(creven) goede(n) op sine(n) cost wel en(de) loflic houde(n) sal vand(er)/ underster rikele(n) nederwert It(em) so wes de vors(creven) he(n)ric/ aende selve [huysinge] doet make(n) va(n) ouden werke d(aer) af/ sal jan de werclude(n) den montcost geve(n) en(de) henric/ sal hen hen huer dachue(re)n bet(alen) m(aer) so wes de selve/ he(n)ric d(aer) aen doet make(n) van nuwen werke d(aer) inne en/ sal de vors(creven) jan niet gehouden It(em) es voert vurw(er)de/ dat de vors(creven) jan op sine(n) cost den leem [hale(n) sal] dieme(n) aende/ huysinge v(er)plecke(n) sal It(em) es voert vurw(er)de want de(n) vors(creven)/ ja(n)ne tot sine(n) aencome(n) de vors(creven) cuype(n) [en(de) vate(n)] gelev(er)t sijn wat(er)vast/ dat hij tot (sinen) afsceide(n) alsoe late(n) sal cor(am) eisd(em)