It(em) lodewijc va(n) hoelair sone lodewijx wijle(n) va(n) hoelair in p(rese)nc(ia)/ heeft gekint en(de) gelijt dat hij uuten handen willems ghielijs/ gehave(n) en(de) ontfange(n) heeft xiii(½) saluyten in afslage van alsulk(er)/ schout als gegrepen en(de) genoempt steet in eene(n) scep(enen) brieve van/ loeven(e) d(aer) mede pauwels vand(er) lynden gehete(n) raps jan gielijs/ van vorst en(de) he(n)ric boene va(n) hersselle te hemwert gehouden/ en(de) v(er)bonden staen gedateert iiii dage in decembri int jair xiiii[c]/ xlvii te wete(n) van xxviii mol(evaten) rox d(er) mate(n) va(n) loeven(e) erfs/ pachts die wille(m) en(de) g(er)truyt wettige kinde(re) he(n)rix wile(n)/ vand(er) lynden alsdoen [ond(er)] huer dage sijnde hadde(n) op zeke(re) goede de(n)/ vors(creven) lod(ewijke) toebehoren(de) gelegen den selve(n) wille(m)me (et)c(etera)[vacat] (et)c(etera) den selve(n) wille(m)me gielijs en(de)/ voert eene(n)ygelike(n) die dat ae(n)gaen mach vande(n) selve(n)/ xiii(½) saluyte(n) in mynd(er)nisse(n) d(er) schout vors(creven) volcomelic quijtscelden(de)/ consente(re)nde voert willecoeren(de) en(de) ov(er)geven(de) de vors(creven) lod(ewijc)/ va(n) hoelair datme(n) t(er) manisse(n) des vors(creven) willems ghielijs den vors(creven)/ scep(enen) brief vande(n) xxviii mol(evaten) rox vors(creven) int geheele anichele(ren)/ en(de) te nyeute doe soe wa(n)neer hem behoerlike vestich(eit) gedae(n)/ sal sijn va(n) eene(n) sack rox erfs pachts die de vors(creven) wille(m)/ g(er)truyt vand(er) lynden sijn wijff en(de) pauwels vand(er) lynden huer/ brued(er) hebbe(n) en(de) erflic heffen(de) sijn opde goede des vors(creven) lodewijx/gelegen Welke vestich(eit) vande(n) selve(n) rox sacke rox vors(creven) de/ vors(creven) wille(m) voir hem en(de) voir g(er)trude(n) sine(n) wijle(n) [wijve] en(de) voir pauwels/ hue(re)n brued(er) die hij in dese(n) geloeft te v(er)vane de(n) vors(creven) lodewijke
//
tussche(n) dit en(de) paessche(n) naestcomen(de) geloeft heeft te doene/ Et t(antu)m en(de) al sond(er) cost oft last lodewijx vors(creven) en(de) oft hij des/ niet en dade so sal hem de vors(creven) lod(ewijc) mett(er) vors(creven) scep(enen) brieve/ inhouden(de) de xxviii mo(levaten) rox vors(creven) moge(n) behulpe(n) opde p(er)sone/ inde(n) selve(n) brieve begrepen o(m)me totte(n) vors(creven) sacke rox te gerakene/ met coste en(de) co(m)me(r) en(de) niet vord(er) cor(am) eisd(em)