It(em) jacop de becke(re) geheten baex in p(rese)nc(ia) heeft geloeft symone/ hamer en(de) arnde de becke(re) sone des vors(creven) jacops en(de) elke(n) besund(er)t/ en(de) elx goede van hen tot ewige(n) daghe(n) scadeloes te houdene en(de)/ tontheffene van alsulke(n) eene(n) rijd(er) lijftochte(n) ten live brued(er) pet(er)s/ van kelsdonc en(de) jacops va(n) kelsdonc sijns brued(er)s en(de) te(n) live des/ lanxte(n) leven(de) van hen beide(n) d(aer) voe(r) de vors(creven) symoen hamer/als principael gelijc den vors(creven) jacoppe en(de) mette(n) vors(creven) arnde en(de)/de vors(creven) jacop beide als principael mette(n) vors(creven) arnde als/hue(re)r beid(er) borge v(er)obligeert sijn met scepen(en) brieve(n) va(n) loven(e)/ d(aer) op gemaect gedateert int jair ons he(re)n xiiii[c] liiii opde(n)/ ierste(n) dach va(n) julio [en(de) desgelijx voert va(n) alle(n) v(er)schine(n) de(n) rinte(n) en(de) alle(n) coste(n) hoedanich die sijn mochte(n) die sij uut ocs(uyne) d(er) vors(creven) lijfpens(ien) enichsins in toecomen(de) tide(n) hebbe(n) oft lide(n) mochte(n)] en(de) den selve(n) rijd(er) lijfpens(ien) af te leggene/ en(de) te quitene alsoe dat de selve symon ende vors(creven) arnd/ d(aer) af tot ewige(n) dage(n) ongepraemt sulle(n) blive(n) En(de) oft de selve/ symoen en(de) arnd oft enich van hen tot bewisenisse(n) d(er) selver/ lijfpens(ien) bedwonge(n) worde oft andre laste(n) op hem uut ocs(uyne) d(er)/ selv(er) gevord(er)t oft aengevuecht worde(n) soe heeft de vors(creven)/ jacop de becke(re) geloeft als voe(r) hen zamentlic en(de) elke(n) van/ hen besund(er)t va(n) dien scad(eloes) te houden en(de) tontheffen alsoe/ dat sij en(de) huer goede d(aer) af tot ewige(n) dagen ongelast sulle(n)/ sijn en(de) bliven En(de) oft de vors(creven) jacop tvors(creven) ontheffen als dat te/ doen ware niet en dade soe hebben geloeft jan de becke(re) sone/ des selfs jacops pri(us) em(an)c(ipatus) en(de) jan vanden eynde sone wijlen/ goessens beide wonen(de) te steynhockesele indivisim de helicht/ van dien ontheffene te voldoene en(de) d(aer) voe(r) inne te stane/ en(de) niet vord(er) van welk(er) gelufte(n) vors(creven) de vors(creven) jacop geloeft/ heeft de(n) selve ja(n)ne sine(n) sone en(de) janne vanden eynde scad(eloes) tontheff(ene)/ cor(am) roeloffs vync dec(embris) ult(ima)