It(em) nae dien dat peet(er) yerpain gheheete(n) in lymborch in deen zijde en(de)/ gielijs rasset wonen(de) taverniez in dand(er) zijde come(n) sij voir den raide vander/ stad aldair de voirs(creven) gielijs rasset seyde dat onlancx leden alhier opder/ vedem(ar)ct come(n) wa(r)e een gheheete(n) collart da(m)mant jans zone met/ zeke(re) ghetale(n) van verkene die welke de voirs(creven) collart teghen den selve(n)/ gielijse ghecocht hadde ende dat in dier selv(er) comanscap vurw(er)de was dat/ de selve gielijs want hij egheene(n) sijn en coste ghecrige(n) van collarde/ tgelt heffen zoude vanden verkene comen(de) ende dat de selve gielijs o(m)me/ dat alsoe te gheschiedene sine(n) knecht metten voirs(creven) collarde ter marcte(n)/ ghesonde(n) hadde o(m)me tgelt vande(n) vercochte(n) verkene(n) te ghecrighene
//
ende dair toe te siene Seggen(de) voort dat de verkenen [die] alh(ier)/ tot loven(e) vercocht wa(r)en waren vercocht inde(n) name van gielijse/ rasset voirs(creven) ende dat sijn knecht voirg(enoemd) dat alsoe hadde doen doen/ aen den clerck diet vercoepe(n) screef meynen(de) d(air) o(m)me dat de voirscr(even)/ peet(er) hem wed(er)o(m)me leve(re)n zoude alsulken xx rinssche gulden(en) als/ hij vanden voirs(creven) collarde ontfanghe(n) hadde ghecome(n) vande(n) verkene/ voirscr(even) Dair op de de voirs(creven) peeter antw(er)de segghen(de) dat wair es/ dat de voirs(creven) collart come(n) es tot loven(e) opde m(ar)ct met zeke(re) getale/ van verkene(n) ende heeft die ald(air) eensdeels vercocht niet inde(n)/ name van gielijse rasset alsoe de voirs(creven) gielijse voirgheruert heeft/ mair inden name van hem selve(n) En(de) dat oic de clerck den selve(n)/ collarde tgelt vande(n) verkene ghelev(er)t heeft als den p(ri)ncipale(n) coopma(n)/ vande(n) verkene Ende dair nae soe heeft de selve collart den voirs(creven)/ peete(re)n betaelt xx rinssche gulden(en) in goude de welke hij hem/ dueghdelijken schuldich was uut ocsuyne van vercochte(n) ov(er)schieten(de)/ eekele(n) oft ekere vanden bossche gheheete(n) de haghe van averniez/ Ende de selve peet(er) heeft hem dair af quitan(cie) gegeve(n) ghedragen(de)/ hem van desen oic totten clercke voirs(creven) meynen(de) mits dese(n) de selve/ peet(er) dat hem de selve xx rinssche gulden(e) in sijnre betalinghen/ blive(n) zullen ende heeft de voirs(creven) gielijs rasset yet te volgen(e)/ van tgene des tussche(n) hem en(de) den voirs(creven) collarde uutstaen/ mach dair af mach hij trecht volghe(n) soe hem dat ghelieft/ En(de) nae dien dat bij ov(er)gheven(e) van beyden p(ar)tije(n) hier op ghehoort/ es de voirs(creven) clerck en(de) op alle ande(re) int(er)ogatoire(n) die elc p(ar)tije/ beg(er)de gevraeght te hebbene soe es ghet(er)mineert dat de voirs(creven)/ xx rinssche gulden(en) den voirs(creven) peet(ere)n volgen en(de) blive(n) zullen/ mair heeft gielijs voirs(creven) op collarde yet te volgen(e) dat hij dat/ doen mach dair ende alsoe dat behoirt cor(am) kers(makere) willem(air)/ burg(imagistris) (et) aliis de p(ri)mo (con)silio januarii ulti(m)a