It(em) dierick de molde(re) in p(rese)nc(ia) heeft ghekent ende gheljt dat hij uut/ handen wout(er)s van aelst ghehadt ende ontfanghe(n) heeft xxxi rijd(er)s der/ mu(n)ten ons gened(ichs) she(re)n tsh(er)toghe(n) van bourg(oignen) en(de) van brabant inde/ welke de eerw(er)dighe vader in gode dabt des godshuys van everbode totten/ selve(n) diericke ghehoude(n) was met zeke(re) vurw(er)den ende ghelufte(n) voir scepen(en)/ van hug(ar)den ghepasseert ende in hue(re)n auctentijken registe(r) geregistreert/ quiteren(de) den voirs(creven) eerw(er)dighe(n) vade(r) den abt voirs(creven) ende en(de) alle(n) ande(re)n des/ quitan(cie) behoeven(de) Gheloven(de) hem dair af ne(m)mermeer aen te spreken(e) te moeyen(e)/ noch te vexeren(e) in gheene(n) rechte gheestelick noch weerlick bij he(m) selve(n)/ noch by yeman(de) and(er)s in e(n)nig(er) manie(re)n cor(am) witte cok(eroul) febr(uarii) iiii[ta]