Het sijn comen voir den raide vander stad jan van raetshoven in deen/ zijde ende m(ar)griete wed(uwe) jans wijlen arnts gheheete(n) ghelts in dander/ zijde om zeke(re) questien wille die tussche(n) den voirs(creven) p(ar)tijen ghepoert waren/ uut ocsuyne van zeke(re) ghebreke(n) van betalinge(n) vanden wynhove des voirs(creven)/ jans van raetshove(n) dwelck de voirs(creven) wijlen jan aerts in helicht/ wynnynge(n) ghehoude(n) heeft Welke ghebreke de voirs(creven) weduwe seyde dat/ hen die alleene ghedroeghe(n) totter so(m)me(n) van drieentwintich peet(er)s en(de)/ van xliiii peet(er)s te xviii st(uvers) den peet(er) gherekent ghelijck tusschen hen/ beyden dat alsoe sij seyden met goed(er) rekeninghe(n) bevonde(n) was Ende van/ dier schout dage ghemaect wa(r)en o(m)me die tot zeke(re)n t(er)mijne te betalene/ ende die betalinghe te settene op kerve die sij daer doen deen den/ ande(re)n ghemaect hadden ende dat die schout soe met p(er)den waghene(n)/ ploeghen ende ande(re)n beeste(n) en(de) oic betaelde(n) gelde die jan d(aer) voe(r) ghehadt/ ende ghehave(n) heeft betaelt es tot xiiii(½) peet(er)s myn (½) stuv(er) Seggen(de)
//
voort dat de voirs(creven) jan van raetshove(n) ind(er) voirs(creven) rekeninghen/ gheloofde soe wanneer hij vanden voirs(creven) xxiii en(de) xliiii peet(er)s betaelt/ ware dat hij [dan] der voirs(creven) weduwe(n) ov(er)gheve(n) zoude die beleytbrieve ende/ schoutbrieve die hij op huer goede sprekende heeft p(rese)nteren(de) de voirg(enoemde)/ weduwe de voirs(creven) xiiii(½) peet(er)s min (½) stuv(er) op te leggen(e) en(de) te betalene/ beghe(re)nde en(de) versuekende voirt dat huer de voirs(creven) jan ov(er)gave alsulke(n)/ beleyt en(de) schoutbrief als voirgheruert steet Dair op de voirs(creven) jan seyde/ al mochte(n) e(n)nighe rekeninghe gheschiet sijn van e(n)nighe(n) ghebreken van/ betalinge(n) van gelde oft weyhue(re)n ghelijck de voirs(creven) weduwe voe(r) gheruert/ heeft soe wa(r)en nochtan dair buyten bleve(n) zeke(re) pointe(n) der wynnynge(n)/ aengaen(de) die hij aldair totte(n) getale van viven overgegeve(n) hadde Soe/ es ten utersten ghet(er)mineert dat de voirs(creven) wed(uw)[e] den voirs(creven) janne/ betalinghe doen sall vanden xiiii(½) peet(er)s min (½) stuv(er) en(de) dan sall/ de voirs(creven) jan ghehoude(n) sijn huer den voirs(creven) schoutbrief en(de) beleytbrieff/ ov(er) te gheven(e) Behoud(elic) dat de voirs(creven) wed(uw)[e] den voirs(creven) janne te rechte/ inne staen sall voir meye(r) en(de) scepen(en) inne staen sall van loeven(e) vande(n)/ vijff pointe(n) voirs(creven) en(de) desghelijck jan huer van zeke(re)n schulde(n) die sij/ hem eysschende es ende elck den ande(re)n om tghewijsde te voldoene goede/ caucie(n) stellen cor(am) kersmake(re) willem(air) burg(imagistris) et aliis de pleno (con)silio/ febr(uarii) xxiii