Cont zij alle(n) liede(n) dat jan de beer die jonghe sone jans de/ beer wonen(de) te wiltsele in jegewordich(eit) der scepen(en) van loeven(e)/ gestaen heeft genome(n) en(de) bekint dat hij genome(n) heeft van/ joffrouwe katline(n) weduwe jans wijle(n) va(n) ghele en(de) joffrouwe/ lijsbeghe(n)? va(n) gheele hue(re)r docht(er) thoff d(er) selver moed(er) en(de)/ docht(er) toebehoeren(de) met alle(n) sine(n) toebehoerte(n) gelege(n) te wiltsele/ in huysen hoven lande(n) beemde(n) en(de) eeusselle(n) Te houden ende te/ hebbene va(n) half m(er)the lest lede(n) eene(n) t(er)mijn va(n) ix jare(n)/ lang due(re)nde deen nae dand(er) sond(er) middel volgen(de) elx jaers/ dae(re)nbinne(n) te wetene de vors(creven) lande vore en(de) o(m)me xv/ mudde(n) rox en(de) i mudde t(ar)we(n) elx greyns goet en(de) paiabel/ d(er) mate(n) va(n) loven(e) en(de) de vors(creven) beemde voir xx rins/ guldene goet en(de) ginge alle ja(r)e tvors(creven) core(n) sinte andries/ misse apostels en(de) de vors(creven) xx rins gul(dene) tsinte m(er)tensmisse/ te betalene en(de) telke(n) t(er)mine als v(er)volghde schout En(de)/ es vurw(er)de dat de vors(creven) wi(n)ne alle jare den vors(creven) t(er)mijn/ due(re)nde leve(re)n sal l mandele(n) walmere(n) o(m)me de huysi(n)ge/ mede te deckene en(de) alsme(n) ald(aer) dect plect ti(m)mert oft/ medst sal de vors(creven) wi(n)ne den wercliede(n) den montcost/ geven en(de) de vors(creven) moed(er) en(de) docht(er) [sulle(n)] de dachue(re)n betalen/ En(de) de vors(creven) wi(n)ne sal de stoffe halen d(aer) de moed(er) en(de)/ huer docht(er) die gecocht sulle(n) hebben en(de) de wi(n)ne sal den/ leem selve steken en(de) halen diemen ald(aer) behoeve(n) sal en(de)/ diemen oec behoere(n) sal in hue(re)r perssen op sinen cost/ It(em) es vurw(er)de dat de vors(creven) wi(n)ne de vors(creven) lande ten leste(n) iii/ jare(n) niet en sal moge(n) hoervruchte(n) It(em) es vurw(er)de dat
//
de vors(creven) moed(er) en(de) docht(er) hebbe(n) sulle(n) de drie deele va(n) alle(n) de(n)/ oefte int vors(creven) hoff wassende en(de) de wi(n)ne tvierdel en(de) sal/ de selve wi(n)ne tgedeelte vande(n) beste d(er) selver joffrouwen hen/ te loven bringe(n) op sinen cost en(de) sij sulle(n) de drie(n) deele/ vande(n) laste vanden lesene betale(n) en(de) de wi(n)ne tvierdel It(em)/ sal de vors(creven) wi(n)ne alle den wijn opde wijng(ar)de d(er) vors(creven) moed(er)/ en(de) docht(er) wassende op sine(n) cost in huer persse vue(re)n en(de)/ dien selve(n) geperst en(de) bereet sijnde mette(n) ghene(n) die sij met/ hue(re)n perssen gewonne(n) sulle(n) hebbe(n) tot hue(re)n huys te loven/ vue(re)n oft daert hen gelieve(n) sal It(em) sal de vors(creven) wyn alle/ ja(r)e den vors(creven) t(er)mijn due(re)nde alle de wijng(ar)t stake(n) opd(er) vors(creven)/ moed(er) en(de) docht(er) erve wassende op huer wijng(ar)de moete(n) vue(re)n/ en(de) alle afvalle w vanden wijng(ar)de en(de) stake(n) vors(creven) te loven(e)/ bringhe(n) It(em) desgelijx sal hij allet berhout op huer erve/ wassende te loven(e) bringhe(n) Ite(m) sal de vors(creven) wi(n)ne de vors(creven)/ beemde ten lesten vi jare(n) ombesaeit en(de) ongebroke(n) laten/ liggen It(em) en sal de vors(creven) wi(n)ne niet moge(n) truncke(n) opde/ vors(creven) goede m(aer) de vors(creven) joffrouwe(n) sulle(n) dat doen doen op/ hue(re)n cost en(de) tot hue(re)n p(ro)fijte en(de) des sal de vors(creven) wi(n)ne/ tuynstake(n) en(de) luecke hebbe(n) o(m)me den buyte(n) vrede [mede] te houde(n)/ It(em) sal de vors(creven) wi(n)ne jaerlix geve(n) den vors(creven) joffrouwen/ ii molevate(n) erwete(n) It(em) sal de vors(creven) wi(n)ne alle de vorscr(even)/ goede houde(n) winne(n) werve(n) en(de) meste(n) gelijc sine(n) regenoeten/ bove(n) en(de) benede(n) en(de) die buyte(n) grechte(n) wel en(de) loflic/ en(de) ten behoerlike(n) tijde veghe(n) en(de) ruyme(n) op sine(n) cost en(de)/ die binne(n) grechte(n) alsoe v(er)re dat ten p(ro)fijte vande(n) vorscr(even)/ goede(n) gedroege halff en(de) halff ruyme(n) en(de) veghe(n) It(em) es/ vurw(er)de dat de vors(creven) wi(n)ne de vors(creven) goede late(n) sal tsine(n)/ afsceidene gelijc hij die vant tsine(n) aencome(n) te wetene/ ii boend(er) (½) dachmael min met rogge besaeit ongemest/ ix dachmael brake en(de) ix(½) dachmael storte(n) met eend(er)/ voren It(em) sal hij oec de vors(creven) huyse(n) houde(n) op sine(n) cost/ vand(er) ond(er)ster rikele(n) ned(er)wert It(em) sal de vors(creven) winne ten
//
leste(n) ja(re) sijn p(ro)fijt doen moge(n) mette(n) meste sond(er) den vorscr(even)/ joffrouwe(n) e(n)nich recht d(aer) inne te hebbene m(aer) des sal hij/ hen d(aer) vore gheven vi mandele(n) stroes It(em) sal de selve wi(n)ne/ den selve(n) joffrouwe(n) jaerlix halen den vors(creven) t(er)mijn due(re)nde iiii[m]/ stake(n) en(de) die vue(re)n op huer wijng(ar)de op sine(n) cost It(em) sal de/ vors(creven) winne dmest dat de vors(creven) joffrouwe(n) thuys hebbe(n)/ vue(re)n opde(n) roesselberch oft in huer persse op sine(n) cost/ It(em) de vors(creven) wi(n)ne sal jaerlix de(n) selve(n) joffrouwe(n) geve(n) te/ paessche(n) l eyeren en(de) eene(n) kase en(de) desgelijx te sinxene(n)/ xxv eyere(n) en(de) eene(n) kase en(de) oec desgelijx tons(er) liev(er) vrouwe(n)/ daghe nati(vi)tas xxv eyere(n) en(de) eene(n) kase It(em) sal de/ vors(creven) wyn allet coren opde vors(creven) goede jaerlix wasse(n)de/ binne(n) den vors(creven) hove inde schue(re)n bringen en(de) d(aer) af niet/ moge(n) [neme(n) noch] derssche(n) and(er)s dan broetcore(n) en(de) saetcore(n) en(de) de/ vors(creven) joffrouwe(n) sulle(n) opdie selve schue(re)n sloete moge(n) doen/ opslaen en(de) d(aer) af den sloetel ten te henwert houde(n) tott(er)/ tijt toe dat sij jaerlix va(n) hem [va(n) hue(re)n gebreke(n)] volbetaelt sijn sulle(n) It(em)/ es voert vurw(er)de dat den vors(creven) wi(n)ne [en(de) heeft geloeft de vors(creven) wi(n)ne dat hij] alle sijn haeflike/ goede [en(de) vliegenterve die hij opde(n) dach va(n) hede(n) heeft tot sijnre eet] binne(n) den vors(creven) hove bringe(n) sall en(de) die ald(aer) tebelate(n)/ sond(er) die vandaer te v(er)coepene oft te mi(n)dere(n) [in enig(er) mani(eren)] o(m)me huer/gebreke(n) d(aer)aen te v(er)reikene die sij ind(er) vors(creven) pechtinge(n)/soude(n) moge(n) hebbe(n) oft bevi(n)de(n) in enig(er) manie(re)n te myndere(n) oft/ ewech te doene den vors(creven) t(er)mijn uut due(re)nde o(m)me den voirs(creven)/ joffrouwen d(aer) aen hen te moge(n) v(er)richte(n) en(de) execucie va(n) rechte/ neme(n) va(n) alle(n) alsulke(n) gebreke(n) als sij soude(n) moge(n) hebbe(n) oft/ bevi(n)de(n) ind(er) i het wa(r)e inde jaerlike betalinge oft in inde/ vurw(er)de(n) begrepe(n) ind(er) pechtinge(n) vors(creven) den t(er)mijn uut due(re)nde/ met coste en(de) co(m)me(r) het wa(r)e vore de jaerlike betalinge/ oft va(n) enige(n) and(ere)n vurw(er)d(en) vors(creven) Voert eest vurw(er)de waert/ dat de vors(creven) wi(n)ne den pacht va(n) enige(n) t(er)mine d(er) vors(creven)/ pechtingen niet vol en betaelde eer den and(ere)n d(aer) nae v(er)scheen/ oft oic die hueringhe eer sij and(er)werf v(er)scheen dat dan/ de vors(creven) wyn gehoude(n) sijn sall vande(n) vors(creven) goede(n) t(er) stont te/ scheide(n) op dat den vors(creven) joffrouwe(n) gelieft en(de) de(n) selve(n) joffr(ouwen)/ alsd(an) te voldoene vande(n) v(er)lette en(de) pachte en(de) hueri(n)ge(n) vande(n)
//
jare d(aer) inne de vors(creven) wynne vande(n) selve(n) goede(n) alsoe/ scheidt En(de) alle dese vurw(er)d(en) (et)c(etera) hebbe(n) geloeft de/ vors(creven) wynne in deen zijde en(de) de joffr(ouwen) in dande(re) (et)c(etera) cor(am)/ cok(eroul) ouder(ogghe) m(ar)cii xxiiii