Tusschen katline(n) coeman t(er) eenre zijden ende willem(me) vand(er) basdonck/ ende janne vander biest t(er) ande(r) zijden es ghet(er)mineert alse van alsulke(n)/ gordele eene(n) zilve(re)n goblette en(de) eene(n) webbeken(e) van craembosijn? toebehoiren(de)/ der voirs(creven) katline(n) dair opsoe bijden voirs(creven) willeme soe bij heylwighen wijle(n)/ pruets die wijff was des voirs(creven) jans vander biest ontleent sijn gheweest/ aen barthelmeeus madea yerst vijff croene(n) It(em) noch ii croene(n) xv stuv(er)s/ en(de) vijff postulatus gul(dene) ende van eene(n) zilve(re)n croese dair op ontleent wa(r)en/ aen eene(n) gheheeten meest(er) daneel drie rinssche gulden(e) dat de/ voirs(creven) willem vand(er) basdonck de voirs(creven) pande schuldich sal sijn te lossene van/ allen den voirs(creven) ontleende gelde uutghescheyden dat jan vander byest hen dair/ inne mede betalen sall twee croene(n) ende xv stuv(er)s Act(um) cor(am) kers(makere) willem(air)/ et aliis de pleno consilio feria vi[ta] post pascha videl(ice)t xv april(is)