It(em) voir ende al eer de voirs(creven) guedinghen beyde vanden wijng(ar)de den voirs(creven)/ steven(en) oliviers en(de) oic vanden huyse ende hove voirscr(even) den voirs(creven) h(er)/ reyne(re)n rintmeest(er) ende p(ro)cureur des godshuys van bethanien ghedaen wa(r)en/ soe waren te vore(n) come(n) voir den raide vander stad die voirs(creven) h(er) reyne(r)/ rentmeest(er) en(de) p(ro)cur(eur) des godshuys voirs(creven) met margarete(n) prioers/ seggen(de) hoe de selve marg(are)[te] inden voirs(creven) godshuyse [va(n) taber] huer begheven/ hadde hoewale sij noch negheen p(ro)fessie en hadde ghedaen in meyninghe(n)/ nochtan sijnde ald(ai)r te bliven(e) ende dat huer lastelijke ende omp(ro)fijtelijken/ wa(r)e die voirs(creven) huysinghe(n) ende wijng(ar)den van rep(ar)acien ende werckgelde/ te houden(e) Mair huer en(de) hue(re)n vriende(n) die ald(air) teghen wa(r)en dochte/ vele meer p(ro)fijtelijker datme(n) die goede(n) vercoepe(n) mochte ende die pe(n)ninge/ ten p(ro)fijte ende orbe(re) der selv(er) m(ar)griete(n) te laten comen(e) Soe es ten/ uutersten alle gheleghentheit van des(er) saken aenghehoirt en(de) ghem(er)ct/ ghet(er)mineert datme(n) die voirs(creven) goede vercoepe(n) sall moghe(n) ende tgelt/ van dien sal come(n) in handen h(er) reyners vors(creven) tot behoef tgodshuys/ voirs(creven) tot dyen eynde dat evenv(er)re die voirs(creven) m(ar)griete inden cloeste(r)/ al eer sij p(ro)fessie ghedaen hadde aflivich wordde oft oic ald(air) p(ro)fessie dade/ dat dan die voirs(creven) pe(n)ninghe den cloeste(r) voirs(creven) blive(n) zulle(n) mair oft/ die selve m(ar)griete zonder p(ro)fessie ald(air) ghedaen te hebben(e) die religie/ latende uut den cloeste(r) ghynghe dat in dien ghevalle huer de voirs(creven)/ pe(n)ninghe vanden vercoepe der voirs(creven) goede comen(de) wed(er)o(m)me gherestitueert/ zulle(n) wordde(n) Ende acht(er)volgen(de) desen soe heeft die voirs(creven) m(ar)griete hue(r)/ vanden voirs(creven) wijng(ar)de ontgoet en(de) dair inne ghegoet steven(en) oliviers van/ welken coepe come(n) sijn x peet(er)s te xviii st(uvers) den peet(er) gerekent iiii(½) st(uvers)/ myn welke x peet(er)s iiii(½) st(uvers) [min] de voirs(creven) h(er) reyne(r) als rentmeest(er) en(de) p(ro)cur(eur)/ des godshuys voirs(creven) inden name en(de) tot behoef des godshuys aenverdt heeft/ nae inhoude(n) der t(er)minacie(n) voirs(creven) Ende heeft voort de selve m(ar)griete huer/ ontgoet vanden huysen ende hove(n) voirg(eruert) en(de) den voirs(creven) h(er) reyne(re)n dair/ inne ghegoet tot dyer meyninghe(n) dat de selve h(er) reyne(r) den cop(er)e/ dair af goedinghe sal moghe(n) doen ende die pe(n)ninghe dair af comen(de)/ trecken tot behoef des godshuys voirs(creven) en(de) die te bekeren(e) oft te restitueren(e)/ ghelijck g vanden x peet(er)s voirs(creven) steet altijt acht(er)volgen(de) der t(er)mijnacie(n)/ voirs(creven) Ende h(ier) voe(r) hebbe(n) ghelooft inne te staene de voirs(creven) h(er) reyne(r) en(de)/ meest(er) jan coels renu(n)cieren(de) (et)c(etera) de(n) voirs(creven) peet(er) prioir en(de) willem(me)/ vanden leempoele vrienden en(de) maghe(n) m(ar)griete(n) voirs(creven) cor(am) tymple/ willem(air) t(am)q(ua)[m] burg(imagistris) cok(eroul) ouder(ogghe) scabinis ap(ri)lis xxviii