Item jannes mersels wonen(de) te loeven(e) jan en(de) willem van optielt/ gebruede(re) beide wonen(de) sinte m(ar)tens tielt hebben genome(n) en(de) bekint/ dat zij genome(n) hebben van engelbrechte vanden berghe rintmeest(er)/ sgoidshuys van sinte g(er)truden te loven(e) inden name en(de) van weghe(n)/ des selfs goidshuys die grote thiende ende die hoeythiende den selve(n)/ goidshuyse toebehoren(de) met hue(re)r toebehoerte(n) te sinte marie(n) tielt/ ende sinte m(ar)tens tielt gelege(n) Te houdene en(de) te hebbene van opden/ xxviii[te(n)] dache van m(er)the lestlede(n) eene(n) t(er)mijn van vi jairen lang/ due(re)nde deen na dand(er) eenp(ar)lic volgen(de) te weten(e) binne(n) den iersten/ iii jaire(n) elcx jaers vore en(de) o(m)me xxix mudde(n) rox ii(½) mudde(n) orioels/ en(de) ii(½) mudde(n) evene(n) al goets en(de) paiabels greins met wanne(n) en(de)/ met vede(re)n wel bereit d(er) mate(n) van loeven(e) xxv hollan(sche) guldene/ en(de) xxiiii clinckarde te weten(e) xvi stuv(er)s voir elken der voirs(creven) hollan(sche)/ guldene en(de) xiiii stuv(er)s voer elke(n) d(er) voirs(creven) clinck(ar)de gerekent Ende/ de leste iii jairen elx jaers voe(r) xxix mudde(n) rox ii(½) mudde(n) orioels/ ii(½) mudde(n) evene(n) goet en(de) paiabel d(er) mate(n) voirs(creven) en(de) bereit als vore/ xxv hollan(sche) guldene elcken guld(en) gerekent als voe(r) en(de) xii(½) gul(den) leuwe(n)/ d(er) mu(n)ten ons gened(ichs) she(re)n shertoghe(n) van burg(oig)[ne(n)] en(de) van brabant/ van goude goet en(de) ginge te betalene te weten(e) de voirs(creven) xxv/ hollan(sche) guld(ene) sinte m(er)tensmisse inden wynt(er) en(de) tvoirs(creven) greyn mette(n)/ ande(re)n ghelde sinte andriesmisse apostels wallen(de) en(de) altoes/ ombegrepe(n) tons(er) lev(er) vrouwe(n) daghe purificacie d(air) na volgen(de)/ te betalen(e) en(de) tvoirs(creven) greyn te loven(e) te leve(re)n op tgoishuys/ spiker alle ja(r)e den voirs(creven) t(er)mijn due(re)nde q(uolibet) ass(ecutu)[m] Met vurw(er)den/ dat de voirs(creven) thiendeners den p(er)soen d(er) p(ro)chien va(n) s(in)[te] marie(n) tielt/ voirs(creven) jairlijx hier in bynne(n) oec tsine(n) huyse ald(air) leve(re)n zulle(n) tsinte/ andriesmisse xxix hope stroets cor(am) witte oud(erroghe) aprilis ultima