It(em) nae dien dat stoet ende tebat opverstaen en(de) verrese(n) was/ tusschen joese colve ter eenre zijden en(de) joffr(ouwe) m(ar)g(rie)[te()] colve wed(uwe)/ jans wijle(n) van rode sijnre zust(er) t(er) ande(r) zijde(n) alsoe vanden goede(n)/ beyde have en(de) erve die hen bleve(n) en(de) verschene(n) sijn nae ende/ uut dode hue(re)r vader ende moed(er) in wat manie(re)n ende hoe verre/ oft hoe diepe elck van hen soe uut machte van testamente soe uut/ crachte vanden lantrechte ghericht zoude mogen sijn Soe hebben/ hen de voirs(creven) p(ar)tijen vanden voirs(creven) stoete ende des d(aer) aen cleve(n)/ mach ghesubmitteert en(de) verbonde(n) te weten(e) de voirs(creven) joes in de/ eerbe(re) ende voirsienighe h(ere)n meest(er) janne van gronselt doctor in loys/ en(de) gherard(en) van baussele secret(aris) der stad van loven(e) ende de voirs(creven)/ joffr(ouwe) marg(rie)[te] in [h(ere)n en(de)] meest(er) boudewij van zierichzeede doctor in decret(en)/ en(de) in meest(er) janne calab(er) secret(aris) d(er) stad van lov(ene) voirs(creven) In alsulker/ vueghen dat elck vanden voirs(creven) brued(er) ende sust(er) hen zegghers/ informacie doen zal van hue(re)n rechte ende bescheyde bynnen eend(er)/ maent naestc(omende) ende de selve segghers sullen dair af huer/ eendrechtighe uutsprake doen bynne(n) xiiii daghe(n) dair naest volgen(de)/ op dat sijs eens zijn Ende oft de selve segghers bynne(n) den voirscr(even)/ tijde niet en accordeerde(n) soe zullen de voirg(enoemde) brued(er) en(de) zust(er) staen op/ hair yerste oft sij hen niet v(er)bonde(n) en hadde(n) cor(am) witte pynnock/ pynnock maii xxviii