It(em) t(er) meerd(er) vestich(eit) den voirs(creven) h(er) willem(e) van des voirs(creven) es te doene/ soe sijn bij handen andries van roesmeer vorst(er)s te loven(e) vanden voirs(creven)/ henricke den voirs(creven) her willeme voir tvoldoen der voirs(creven) erfrinte(n) v(er)obligeert
//
ende te pande ghesedt te weten(e) vi zilve(re)n croesene de voete/ ende de boorde vergult ende elken met eene(n) vergulden(en) rande/ in myddel weghen(de) tsame(n) iii marct iii onsen myn een yngelsche/ Te dien eynde ghebuerdt den voirs(creven) h(er) ind(er) betalinge(n) der voirs(creven) erf/ rinte(n) oft ind(er) bewijsenisse(n) der selv(er) eenich ghebreck te hebben(e)/ soe sal hij oft yeman(de) and(er)s recht inde voirs(creven) rente(n) hebben(de) sijn/ gebreck moge(n) v(er)hale(n) aen de voirs(creven) zilve(re)n juweele(n) en(de) die/ v(er)coepe(n) voir alsulke(n) prijs als e(n)nich goutsmet oft juwelier ind(er)/ stad van loven(e) [d(aer) voe(r)] sal wille(n) gheve(n) en(de) d(aer) mede ghestaen en(de) oft/ ov(er) tgebreck yet ov(er)schoete dat soude h(er) wille(m) voirs(creven) den voirg(enoemde)/ henricke wed(er)keere(n) en(de) oft d(aer) yet ghebrake dat soude hij met sine(n)/ voirs(creven) scep(enen) brieve moge(n) v(er)hale(n) Ende oft de voirs(creven) h(er) willem(e) and(er)s/ dan met v(er)coepen(e) d(er) voirs(creven) juweele(n) v(er)nueght wordde soe sal de selve/ h(er) willem(e) renu(n)c(ians) gehouden sijn den voirs(creven) henr(icke) de voirs(creven) juweele(n)/ wed(er) ov(er) te gheven(e) cor(am) eisd(em)