Want jannes opde berch rintmeest(er) te rotsselaer beclaeght/ hadde janne colebrant henricke gheens gielijse van houtvenne/ janne vanden broeke en(de) janne vanden bruele gheheete(n) die/ keys(er)e voir xl rijd(er)s ende de selve p(er)soene(n) hue(re)n dach van/ rechte hen bijden vorste(r) yeghen den voirs(creven) rintmeest(er) betekent/ sijnde inde banck voir meye(r) en(de) scep(enen) van loeven(e) niet gehoude(n)/ en hebben Soe eest dat de selve scep(enen) tierst aenghehoert de(n)/ vorste(r) ende de poirt(er)s die ov(er) die claghe gheroepe(n) wa(r)en ghewijst/ hebben voir een vo(n)nisse dat de voirs(creven) rintmeest(er) de voirs(creven)/ vijff p(er)soene(n) als ma(n)ne van buyte(n) voe(r) de voirs(creven) xl rijd(er)s v(er)reyct/ sall hebben nae dat de wairh(eit) ghedraghe(n) heeft cor(am) lyeminghe(n)/ roelofs pynnock cok(eroul) ouderogghe sept(embris) xvi