Item al eest alsoe dat gielijs van geldenake barbier tande(re)n tijden/ guedingen ende vesticheit ghedaen heeft matheeuse roekeloes/ van (½) vie(re)ndel wijng(ar)ts gelegen opden steenwech int bloc van/ babilonie(n) tusschen de goede henrix strote ende de goede dierijc/ hornekens ende den selven wijng(art) op (½) virendel wijns/ en(de) eene(n) cap(uyn) als voir alle co(m)mer [en(de) last] gewara(n)deert Ende men/ dae(re)n boven bevint dat tvoirs(creven) (½) virendel wijntg(ar)ts met/ zeke(re)n ande(re)n wijng(ar)den aldair neven gelegen div(er)sen p(er)sonen/ toebehoren(de) aende(n) heylegeest van wiltsele gehouden is in/ een sister rox erfs pachts dair af tvoirs(creven) (½) virendeel wijng(ar)ts/ voere zijn aengedeelte dragen soude (½) mol(evate) soe eest dat/ de voirs(creven) matheeus in p(rese)ncien (et)c(etera) heeft gekint en(de) gelijt dat/ hem vanden voirs(creven) gielijse vanden voirs(creven) (½) molevate rox/ erfs pachts volcomelijc genoech geschiet is Geloven(de) voir/ hem sinen erven en(de) naecomelingen den selven gielijse sine(n)/ erven en(de) naec(omelingen) metter voirs(creven) geluften van wara(n)deerscape/ uut ocsuyne vanden laste vanden voirs(creven) sister rox nemmermeer/ aente spreken te mogen [moeyen] noch te vexe(re)n (et)c(etera) cor(am) vync cok(eroul)/ septembris ultima