SAL8135, Akte: R°170.1 (269 van 409)
Akte R°170.1
Act
Datum: 1466-03-07
Transcriptie
2016-05-16 door kristiaan magnusIt(em) pauwels vand(er) heyden in p(rese)nc(ia) heeft gehuert en(de)/
en(de) bekint dat hij gehuert heeft tegen roelove roeloffs/
geheeten opt kerchoff een huys met sinen toebehoerten gelege(n)/
inde coesstrate tusschen thoechuys desselfs roelofs d(aer) naest/
gelegen acht(er)weert uut comen(de) tot inde augustijn state Te/
houden en(de) te hebben va(n) sint jansmisse baptiste(n) naestcom(ende)/
eene(n) t(er)mijn va(n) drie jare(n) lang due(re)nde deen nae dand(er)/
sond(er) middel volgen(de) elx jaers dae(re)n bi(n)ne(n) vore en(de) o(m)me/
vii saluyte(n) Te wete(n) xxv stuv(er)s d(er) mu(n)ten ons gened(ichs) he(re)n tss(er)tog(en)/
van burg(oig)[ne(n)] en(de) va(n) brabant goet en(de) ginge voe(r) den dat(en)/
van desen brieve geslagen en(de) gemu(n)t voir elke(n) d(er) vors(creven)/
saluyte(n) gerekent alle jae(re) sint jansmisse bap(tis)[te(n)] te bet(alen)/
den vors(creven) t(er)mijn due(re)nde en(de) telken t(er)mijne als v(er)volghde/
schout opde vurw(er)d(en) en(de) (con)dicien h(ier) ond(er) bescr(even) Inde(n) ierste(n)/
oft de vors(creven) roeloff oft pauwels deen den and(ere)n de vors(creven)/
hueri(n)ge iii maende voir den uutgane d(er) selv(er) niet op/
en seiden dat dan de vors(creven) pauwels sijn hueri(n)ge aent selve/
huys en(de) voir de(n) selve(n) prijs noch een jair d(aer) nae hebbe(n)/
en(de) behouden sal It(em) en sal oic de vors(creven) pauwels bi(n)nen/
den vors(creven) t(er)mijne tot neghene(n) tijden bi(n)ne(n) inde(n) vors(creven) huyse/niet meer corens moge(n) herberghen noch leggen dan xxx/
oft xl mudde(n) ten hoeghsten en(de) niet daer bove(n) It(em) es voort/
vurwerde oft dat de vors(creven) pauwels op dat hem gelieft/
inde(n) vors(creven) huyse sal [moge(n)] doen maken eene(n) oven tot sinre cost/
en(de) dien tot sine(n) afsceiden ald(aer) laten sond(er) afbreke(n) oft sond(er)/
afslach vander hueringen vors(creven) cor(am) kers(makere) willemair/
m(ar)tii vii
Nagekeken door: Chris Picard
Moderator: Chris Picard
Laatste update:: 2016-04-25 door kristiaan magnus