Nae dien dat willem maes t(er) eenre ende henrick vander stappen barbier t(er) ande(re)/ come(n) sijn in rechte voir meye(r) ende scepen(en) van loeven(en) alse van dien dat de voirs(creven)/ henrick neder ghestoeten soude hebbe(n) oft doen stoeten oft werpe(n) een steynen/ muerken staende opde schaelgie des voirs(creven) willems ende bijde(n) huyse des voirscr(even)/ henricx ghelege(n) inde dorpstrate Ende de voirg(enoemde) henrick allegeerde dat de voirs(creven)/ willem hem h(ier) aff tande(re)n tijden betoghe(n) hadde voir den raide vand(er) stad ende hem/ v(er)meten hadde te thone(n)ne domstoeten voirs(creven) ende dat dair soe verre gep(ro)cedeert/ was dat willem dair op sijn thonisse geleydt hadde des hij soe henrick hoopte/ niet volcome(n) en was Ende nae dien dat henrick tot dyen te thoene(n) ghewijst/ was ende des volcome(n) es soe es vonnislijken gewijst dat de voirs(creven) willem/ met sijnd(er) aenspraken alhier verdoolt es te volgen(e) Mair heeft hij dair aff yet/ te volgen(e) dat hij dat volghe t(er) plaetssen dair hij begonnen hadde cor(am)/ kers(makere) roelants tymple willem(air) langr(ode) febr(uarii) iiii[ta]