Cont zij alle(n) lieden alsoe als meest(er) arnt belx meest(er) in aerten/ and(er)wijle voir gebrec van betalinghen van ii mudden rox erfs/ pachts d(er) maten van dieste op sinte denijs dach vallen(de) die/ de vors(creven) meest(er) arnt hadde en(de) heffende was aen en(de) op de goede/ h(ier) onder bescreven te vorst gelegen Inden iersten aen en(de) op een/ eeussel houden(de) i(½) zille luttel min oft meer gelegen tusschen/ derve goorts scust(er)s op deen zijde en(de) sh(ere)n strate op dand(er) zijde/ It(em) aen en(de) op (½) boend(er) eeussels luttel min oft meer gelege(n)/ tusschen de vors(creven) i(½) zille op deen zijde en(de) den langendijck/ aen dand(er) zijde It(em) desgelijx voir gebrec van betalingen van/ iiii rinsch gul(den) erfchijs vallen(de) opden ix[te(n)] dach van october/ die de selve meest(er) arnt hadde aen en(de) op de goede h(ier) ond(er)/ bescr(even) Inde(n) iersten aen en(de) op (½) boend(er) eeussels luttel min oft/ meer gelijc dat gelege(n) is te vorst tusschen derve lijsbetthe(n)/ inden borch aen deen zijde en(de) des p(er)soens erve va(n) vorst/ aen dand(er) zijde It(em) aen en(de) op v zillen eeussels luttel min oft/ meer gelegen ald(aer) tusschen derve des p(er)soens vors(creven) aen deen zijde/ en(de) de goede goerts scost(er)s aen dand(er) zijde En(de) de vors(creven) meest(er)/ arnt belx de vors(creven) goede soe bij hem selve(n) soe bij ada(m)me belx/ sine(n) brued(er) als d(aer) toe behoirlic v(er)mechticht met behoerlike(n) genechte(n) va(n) rechte/ voir gebrec van betalingen vanden vors(creven) erfpachte en(de) erfchijse/ metten meye(r) en(de) scepen(en) jonch(e)r jans va(n) nassouen inde(n) dorpe va(n)/ vorst als d(aer) toe nae den rechte vand(er) vors(creven) hue(re)r banc sculdich/ was te gescien uutgewonne(n) en(de) uutgedaecht heeft gelijc de/ scepen(en) brieve vand(er) vors(creven) banc opde selve twee uutdagene/ gemaect en(de) gedateert int jair ons he(re)n m iiii[c] lxi xiii/ dage in julio volcomelic uutwise(n) en(de) beg(ri)pen It(em) desgelijx/ oic voir gebreck van betalingen van vii rinsch gul(den) erflic/ vallen(de) alle jae(re) opde(n) xxiiii[te(n)] dach d(er) maent van junio die
//
de vors(creven) meest(er) aert oic heffen(de) was aen en(de) op zeke(re) erfgoede te/ vorst gelegen Inden iersten aen en(de) op een stuc lants houden(de)/ vi zillen luttel min oft meer gelege(n) opt hoechvelt bide wintmoele(n)/ tussche(n) de goede lijsbetthen boedinx en(de) lijsbetthe(n) dierix en(de) henrix/ die smet op deen zijde en(de) plissis vesters kinde(re) en(de) goessen claes/ kinde(re) op dande(re) zijde uutgaen(de) mette(n) eene(n) ynde aende h(er)strate/ en(de) mette(n) and(ere)n ynde aendie gemein strate It(em) aen en(de) op vijf/ vierdel lants luttel min oft meer gelege(n) opt deyndack(er) bide capelle/ tussche(n) derve des vors(creven) meest(er) arnts belx op deen zijde en(de) henric/ van elsem aen dand(er) zijde uutgaen(de) mette(n) ynde aende gemeinst(ra)te/ It(em) aen en(de) op (½) boend(er) beemts luttel min oft meer gelege(n) opt scout/ broec wisselbeemt gelege(n) inde viere buynde(re) It(em) aen en(de) op i zille/ beemts luttel min oft meer gelege(n) opt vors(creven) scoutbroec tusschen/ derve gielijs van ordelwijc op deen zijde en(de) jans de cuyp(er)e/ aen dand(er) zijde En(de) de vors(creven) meest(er) arnt de vors(creven) goede voir gebrec/ van betalingen vanden erfchijse d(er) vii rins gul(den) vors(creven) bij hem/ selve(n) en(de) bide(n) vors(creven) ada(m)me sinen brued(er) mette(n) scepen(en) jans vand(er)/ galen inden vors(creven) dorpe van vorst met genechten oic uut/ gewonne(n) hadde gelijc zek(er) chirograff vand(er) selv(er) banc d(aer) op/ gemaect en(de) gedateert int jair ons h(ere)n m iiii[c] lxi xiii dage/ in julio dat vord(er) inhult en(de) beg(ri)pt In welke drie vors(creven)/ uutdagene vors(creven) en(de) genechten d(aer) inne gehouden voert geeischt/ sijn en(de) genoempt en(de) dach besceide(n) va(n) rechte o(m)me die goede/ te v(er)antwerde(n) oft den vors(creven) meest(er) arnde oft sine(n) gemechtichden/ hantvulli(n)ge te doene va(n) sine(n) gebreke(n) vors(creven) alle de ghene/ die hen rechts v(er)maten totten vors(creven) goeden Soe sijn come(n) voir/ scepen(en) van loeven(en) jan willem g(er)truyt en(de) dag marie/ kinde(re) jans matheeus and(er)s gehete(n) vanden vo(n)ne en(de) ja(n) va(n) ghirle/ en(de) digne sijn [wijf] met marien sine(n) wijve oic docht(er) des vors(creven)/ jans matheeus voir hen en(de) voe(r) den vors(creven) ja(n)ne matheeus
//
hue(re)n vad(er) die sij in desen op hen genome(n) hebbe(n) en(de) gelove(n) te/ v(er)vane [En(de) hebbe(n)] voir hen hue(re)n erve(n) en(de) naecomelingen de vors(creven) drie/ uutdagene geapprobeert en(de) geratificeert en(de) die tot ewigen/ daghen den vors(creven) meest(er) arnde sine(n) erve(n) en(de) naecomelingen/ geloeft goet vast gestentich omv(er)brekelic en(de) va(n) weerde(n) te/ houden en(de) te hebben sond(er) d(aer) tegen ne(m)m(er)meer te gane oft te/ doene bij hen selven oft bij yeman(de) and(er)s in enige(n) rechte gheestelic/ oft weerlic in enig(er) manie(re)n Bekennen(de) voert en(de) liden(de) de vors(creven)/ p(er)soene(n) en(de) elc van hen al eest alsoe dat sij in hue(re)n name(n)/ nocht p(er)soene(n) inde vors(creven) uutdagene p(ar) expres niet genoempt/ noch gecleert en sijn dat sij nochta(n) telk(er) genechte(n) in hue(re)n name/ en(de) p(er)soene(n) voirt geroepe(n) en(de) geeischt sijn geweest en(de) hen de conde/ van dien gedaen soe dat nae d(er) vors(creven) bencke(n) rechte behoirt/ alsoe dat noch hen noch hue(re)n erfgename(n) van dien in toecomen(de)/ tijden negeen excepcie va(n) rechte en behoirt noch en sal mogen/ behore(n) o(m)me de vors(creven) uutdagene d(aer) mede te vicieren(e) oft/ van onwerden te makene oft te pijnen [te] maken(e) in enig(er) manie(re)n/ Renu(n)cie(re)nde en(de) afgaen(de) alle excepcie(n) rechte(n) actie(n) en(de) cala(n)gien die/ hen oft hue(re)n erfgename(n) d(aer) tegen in toecomen(de) tijden souden/ diene(n) en(de) den vors(creven) meest(er) arnde ontdiene(n) in enig(er) manie(re)n/ m(air) die selve uutdagene va(n) alsulk(er) weerde(n) houden En(de)/ hebben in alsulk(er) mate(n) en(de) manie(re)n oft sij in hue(re)n p(er)sone(n) en(de)/ name(n) inde vors(creven) uutdagene gescr(even) en(de) genoe(m)pt stonde(n) Beken(nende)/ de selve p(er)sone(n) dat den vors(creven) ja(n)ne matheeus hue(re)n vad(er)/ als tochtene(re) en(de) hen als erfliede nae recht de conde en(de)/ dbesceiden vanden daghen van rechte nae recht met/ scepen(en) gedaen was hoe wale dat dat inde vors(creven) brieve en(de)/ chirograffe niet geexp(re)sseert en is En(de) hebbe(n) voirt geloeft/ de selve p(er)soene ongesud(er)t en(de) onv(er)sceide(n) den vors(creven) meest(er) aerde
//
vanden vors(creven) uutgedaeghde(n) goede(n) en(de) hue(re)n rechte(n) en(de) actien d(er) selv(er)/ altoes genoech te doene en(de) hem tot sijnre manissen inde/ selve goede voir hove en(de) he(re)n d(aer) afme(n) die houden(de) is/ te goeden en(de) te erve(n) En(de) d(aer) toe soe vele te doene dat hem/ dat de(n) vors(creven) meest(er) arnde voir hem sine(n) erve(n) en(de) naec(omelingen)/ tot ewige(n) dagen vast en(de) zeke(r) sijn mogen cor(am) willem(air) langr(ode)/ febr(uarii) vi[ta]