Cont sij allen lieden dat coenraert de mu(n)tre gheheete(n) thielmans/ zone jans wijlen de mu(n)tre gheheeten tielmans ende katline scrieckma(n)s/ sijn wijff in jeghew(er)dich(eit) der scepen(en) van loven(en) ghestaen hebben ghenome(n)/ ende bekent dat sij ghenome(n) hebben van meest(er) anthonijse vyncke prieste(re)/ zone arnts wijlen vynck dwynhoff desselfs meest(er)s anthonijs gheheete(n)/ thoff tev(er)sberghe metten huysen hove(n) wynnen(de) landen en(de) hue(re)n toebeh(oir)ten/ metten beempden ende eeusselen die den vors(creven) wijlen arnde vyncke en(de)/ janne uuten hove gheheeten zedelee(re) te ghelijke toebehoe(re)n plaghe(n) gelegen/ te meerbeke tev(er)sberghe en(de) dair omtrent Te houden(e) te hebben(e) ende/ te wynnen(e) van halff meye lestleden eenen t(er)mijn van sesse jairen/ langk due(re)nde deen nae dande(re) zond(er) myddel volghende ind(er) manie(re)n/ h(ier) nae v(er)claert Inden yersten dat de voirs(creven) wynnen hebben zullen en(de)/ wynnen t(er) helicht alle de lande totten vors(creven) goeden behoren(de) En(de) alst/ tcoren vanden vors(creven) lande tijtverdich es ende afghedaen en(de) inden bandt/ soe zullen de vors(creven) wynne(n) deen helicht d(aer) aff den vors(creven) meest(er) anthonijse/ toebehorende inde schuere desselfs meest(er)s anthonijs ald(aer) vue(re)n eer sij/ thue(re) sullen moghen rueren Ende dair sal de selve meest(er) anthonijs/ alsmen dat coren afdoen binden en(de) inne vue(re)n sall eene(n) knape bijsinde(n)/ Den welken knape alsoe langhe als hij dair sijn sall te weten(e) tot/ allet coren beyde wynt(er)coren en(de) som(er)core(n) inne ghevuerdt sal sijn/ de vors(creven) wynne(n) den montcost zullen gheven ende de voirs(creven) meest(er) anth(onijs)/ de dachue(re)n Item allet dooft van allen den vors(creven) goede(n) zullen de vors(creven)/ wynne(n) en(de) meest(er) anthonijs halff en(de) halff hebbe(n) ende des vors(creven) meest(er)s/ anthonijs ghedeelte ten coste vanden selve(n) wynne(n) alle jaire te loven(en) leve(re)n/ tot sine(n) huyse ende des zulle(n) de selve wynne(n) en(de) meest(er) anthonijs halff/ en(de) halff ghelde(n) dat dooft coste te lesene Ende de wynne(n) zulle(n) alleene/ de lesers den montcost gheve(n) ende desgelijcx voort zulle(n) de selve wynne(n)/ den selve(n) meest(er) anthonijse alle sijn deel van sine(n) vors(creven) coren(en) jairlix leve(re)n/ tot loven(en) tot sine(n) huyse zond(er) cost oft last meest(er) anthonijs vors(creven) It(em)/ de voers(creven) meest(er) anthonijs sall behoude(n) tot sine(n) v(er)doene ende tot sijne(n)/ behoef de porte ald(aer) bove(n) ende benede(n) mette(n) duyffhuyse en(de) metten/ ande(re)n hue(re)n toebehoirte(n) It(em) noch eene(n) stall metten sulde(re) bove(n) den/ selve(n) stall gheleghe(n) tusschen den coestal en(de) thoend(er)huys It(em) zulle(n)/ de vors(creven) wynne(n) de vors(creven) wynnen(de) lande jairlix hue(re)n t(er)mijn due(re)nde
//
wel ende loflick wynne(n) werve(n) ende mesten ghelijck reghenoeten/ boven ende beneden alsoe wale als de verste lande als de naeste Te weten(e)/ dwynt(er)coren op iiii ghetijdighe voren de gherste op drie de even(en) op ii/ en(de) de brake eens omghedaen It(em) zullen de vors(creven) wynne(n) de huysinghe/ vanden vors(creven) goede(n) jairlix hue(re)n t(er)mijn due(re)nde op hue(re)n cost houde(n) vand(er)/ onderst(er) rijkelen nederw(er)ts in goeden state It(em) zullen de vors(creven) wynnen/ jairlix hue(re)n t(er)mijn due(re)nde leve(re)n den vors(creven) meest(er) anthonijse vijftich/ mandelen walms o(m)me de vors(creven) huysinghe jairlix ende daghelix mede/ te houden(e) En(de) alsmen den selve(n) walm v(er)dect oft van ande(re)n ouden/ werke werct dair aff sall de vors(creven) meest(er) anthonijs de wercluden de/ dachue(re)n betalen ende de wynne(n) zulle(n) den montcost gheve(n) en(de)/ des sulle(n) de vors(creven) wynne(n) met hue(re)n waghen(en) ende p(er)den op hue(re)n cost/ halen hout leem latten steen calck en(de) al desmen aende selve huysinghe/ behoeve(n) sall o(m)me de selve goede mede te houde(n) It(em) zulle(n) de vors(creven) wynne(n)/ allet stroe jairlix vanden voirs(creven) goeden comen(de) met hue(re)n beesten inden/ voirs(creven) hove etten en(de) slijten ende dair aff mest maken ende dat opde vors(creven)/ lande alsoe wale opde verste als opde naeste vue(re)n zond(er) dair aff yet/ te moghen v(er)coepen oft ewech gheve(n) ten meesten p(ro)fijte vanden lande/ vors(creven) ende ten afscheyden van hue(re)n t(er)mijne de messien gheruymt late(n)/ ende dmest dair uut opt lant ghevuerdt leve(re)n ghelijck voe(r) v(er)claert/ steet Item zullen de vors(creven) wynne(n) jairlix opde vors(creven) lande vue(re)n/ xxvii voeder merghels Welken m(er)ghel de vors(creven) meest(er) anthonijs betale(n)/ sall opde cuyle ald(aer) de selve wynne(n) dien met hue(re)n waghen(en) ende/ p(er)den halen sulle(n) Ende teghe(n) elke xxvii voed(er) mergels sals de selve/ meest(er) anthonijs coepen sal sal de selve meest(er) anthonijs dair toe/ noch coepen xx schat voeder mests Dwelck de vors(creven) wynnen oic/ halen zulle(n) met hue(re)n wagen(en) ende p(er)den dair hijt coepen sal en(de)/ dat opt dlant vue(re)n tot hue(re)n meeste(n) p(ro)fijte It(em) en zulle(n) die vors(creven)/ wynne(n) egheene buyten lande moghe(n) houde(n) noch aenv(er)den dan alleene/ de goede voirs(creven) It(em) sullen de vors(creven) wynne(n) en(de) meest(er) anhonijs van/ malcande(re)n moghe(n) scheyden bynne(n) den yerste(n) drie jairen Behoud(elic) dat/ die ghene die alsoe scheyde(n) wilt dat den ande(re)n te voe(re)n kundighe(n)/ moet (½) jair It(em) zullen de vors(creven) wynne(n) jairlix met hue(re)n waghen(en)/ en(de) p(er)den den vors(creven) meest(er) anthonijse doen vier carweyde(n)[daghe] als hijs
//
te doene heeft oft aen hen versueken sall It(em) es voort ondersproken/ dat de voirs(creven) wynne(n) bynne(n) hue(re)n voirs(creven) t(er)mijne egheene lande en/ sullen moghen hoervruchte(n) zond(er) consent meest(er) anthonijs voirscr(even)/ It(em) oft e(n)nighen tampeest wae(re) van wate(re) oft opde voirs(creven) lande e(n)nighe/ wat(er)schue(re)n quamen dair aff es vurw(er)de dat de voirs(creven) wynne(n) den/ voirs(creven) meest(er) anthonijse dat kondighen sulle(n) die de selve meest(er) anthonijs/ wedero(m)me sal doen maken dair aff de wynne(n) den werclieden den/ montcost gheve(n) sullen It(em) es vurwerde dat de voirs(creven) wynne(n) de/ voirs(creven) goede tot hue(re)n afscheyde(n) laten zulle(n) ind(er) manie(re)n h(ier) nae besc(ri)ve(n)/ Te weten(e) inden wynt(er)aert iiii(½) boender met tarwe(n) besaet ende/ vii boend(er) besaeyt met rogghe op iiii ghetijdighe voren It(em) inde(n)/ som(er)aert iii boender besaeyt met g(er)sten op iii ghetijdighe vore(n) ende/ vii boender met eeven(en) besaeyt op ii ghetijdighe vore(n) ende de brake/ eens o(m)me ghedaen It(em) zullen de voirs(creven) wynne(n) hebbe(n) de voirs(creven) beempde/ en(de) eeussele(n) elcx jairs dae(re)n bynne(n) voe(r) ende o(m)me xviii rinsche gulden(en)/ van goude goet en(de) ginghe te xx stuv(er)s alle jaire te s(in)te m(er)tensmisse/ inden wynt(er) te betalen(e) den voirs(creven) meest(er) anthonijse den voirs(creven) t(er)mijn due(re)nde/ quol(ibe)t ass(ecutu)[m] Item es vurw(er)de ende ondersproken dat de voirs(creven) wynne(n) jairlix/ den voirs(creven) t(er)mijn due(re)nde de voirs(creven) goede beyde wynnen(de) lande beempde/ en(de) eeussele(n) wel en(de) loflick op hue(re)n cost beheyme(n) en(de) bevrede(n) zulle(n)/ ende die tot hue(re)n afscheyden(en) alsoe laten ende den loeck dair toe neme(n)/ opde voirs(creven) goede ten meesten p(ro)fijte ende mynst(er) schade(n) ende de grechte(n)/ ruymen ende veghen ende de voerlen royen ende alsmen de grechten/ veeght ende de voerlen royt dair aff zullen de wynne(n) en(de) meest(er)/ anthonijs dat te ghelijke betalen beyde dachhue(re)n ende montcost/ It(em) zulle(n) de voirs(creven) wynne(n) alle verdroeghde poete(n) moeghe(n) afhouwe(n)/ en(de) dair aff berhout maken ende voir elke verdroeghde poete weder/ o(m)me sette(n) ii leven(de) poete(n) Ende tot desen zulle(n) de selve wynne(n) jairlix/ hue(re)n t(er)mijn due(re)nde opde selve goede sette(n) xx goede cusbare levende/ willeghen poeten It(em) sall de voirs(creven) meest(er) anthonijs op dat hem/ ghelieft den voirs(creven) wynne(n) gheven te vueden een hond(er)t lijfschapen/ t(er) helicht te ii jairen te deylen ende de wolle dair aff te deylen alle/ jaire ende hier toe sulle(n) de voirs(creven) wynne op hue(re)n cost ghehoude(n) sijn/ te houden(e) eene(n) schepe(re) dair toe oirberlick ende nut sijnde o(m)me die schape/ te hueden(e) en(de) te verwaren(e) ende dair toe jairlix te mynste(n) inne legge(n)/ iiii grote voeder goets hoeys voir huys voeder Es voert vurw(er)de/ dat de voirs(creven) wynne(n) alle huer haeflijke goede [die sij opde(n) dach van hede(n) hebbe(n) t(er) stont bringen zulle(n) bynne(n) den vors(creven) wynhove en(de) de selve haeflijke goede] metgad(er)s allen den/ ande(re)n haeflijken goede(n) die sij bynne(n) den t(er)mijne vand(en) pechtinghe(n)/ v(er)crighen zulle(n) ald(aer) laten zond(er) die in e(n)nig(er) manie(re)n te v(er)coepen(e)/ te mynderen(e) oft ewech te doene by hen oft yeman(de) and(er)s zond(er) (con)sente/ svoirs(creven) meest(er)s anthonijs den voirs(creven) t(er)mijn vand(en) pechtinghe(n) due(re)nde/ ende de selve goede den voirs(creven) meest(er) anthonijse voir de wet te ca(m)penhout/ verbinde(n) v(er)oblige(re)n ende te pande te setten Ende nae vorme(n) van rechte/ he(m) dair aen zeker maken dat hij d(aer) aen in meerd(er) vestich(eit) sall/ moghe(n) verrichte(n) ende execucie van rechte nemen van alle(n) alsulke(n)/ ghebreke als hij soude moghen hebbe(n) inde vurw(er)den in des(er) selver/ pechtinghe(n) beg(ri)pen Welke vurw(er)de(n) ende pointe(n) alle ende yegewelke/ voirs(creven) de voirs(creven) wynne(n) in deen zijde ende meest(er) anthonijs renu(n)cians/ in dande(re) zijde ghelooft hebben elc den ande(re)n well en(de) volcomelick te/ houden(e) ende te voldoene tallen tijde(n) en(de) t(er)mijne(n) als die vallen en(de) v(er)schine(n)/ zulle(n) q(u)[o](libet) ass(ecutu)[m] cor(am) willem(air) lang(rode) junii xiii