It(em) jan guldeman van lijsemeel zone wijlen arnts in p(rese)nc(ia)/ in p(rese)nc(ia) heeft gelooft op sijn lijff ende op sijn goet ende op soenbreke/ ende peysbreke te zijne in dat hij om egheenderhande saken noch/ stucken wille die gheschiet sijn moghe(n) tot opde(n) dach toe van/ hede(n) tussche(n) hem in deen zijde ende meest(er) pete(re)n nuelens barbier/ in dande(re) zijde den selve(n) meest(er) pete(re)n ne(m)mermeer wangunst hatie/ veede noch vyantscap doen noch dragen en sal hem crincken noch/ hynde(re)n aen lijff noch aen goet noch oic te ca(m)pe eyssche(n) Bekennen(de)/ ende v(er)lijdende soe wair hij h(ier) teghen dade dat hij sijn soude peysbreke(re)/ en(de) soenbreke(re) ende v(er)buert hebbe(n) sijn lijff ende sijn goet ond(er) wat he(re)n/ oft gerichte hij bevonde(n) wordde Behoud(elic) (et)c(etera) cor(am) hoeve(n) burg(imagistro) willem(air)/ v(er)trijke scab(inis) julii ulti(m)a