SAL8136, Act: R°164.2 (227 of 414)
Search Act
previous | next
Act R°164.2  
Act
Date: 1467-01-31

Transcription

2020-06-08 by myriam bols
Het sijn come(n) in rechte inde banck voir meye(r) ende scepen(en) van lov(ene)/
henrick baecx in deen zijde ende gheert vanden bruele die uut/
machte van scepen(en) brieve(n) van loven(e) zee(r) out van date bekent/
bij daneele wijlen van baecx voir meye(r) ende scep(enen) van loven(e)/
te vo(r)en uut lambrechts sijns vad(er)s broede ghedaen sijnde ghegoeydt/
ende gheerft es in drie boende(re)n boschs oft dair omtrent gheleghe(n)/
inde p(ro)chie van corttenaken t(er) plaetsen gheheeten tassenrode neven/
den bosch sgodshuys van vliederbeke in dande(re) Alse vanden selve(n) drie/
boende(re)n bosch die de voirs(creven) henrick aensprack seggende en(de) voortsetten(de)/
dat hem die van sine(n) [out]vaders wa(r)en bleven ende dat sijn vord(er)s vore en(de)/
hij nae dairaff hadden ghehadt possessie ende dat hem die oic met/
vo(n)nissen bynne(n) cortte(n) jairen h(er)waerts teghen den voirs(creven) lambrechte/
vanden bruele vad(er)s des voirs(creven) gheerts wa(r)en toeghewijst meynde bij/
dien ende meer ande(re)n reden(en) bij hem gheallig(eer)t dat hem die bliven/
en(de) volghen souden Vanden welken de voirs(creven) gheert hielt de (con)trarie/
en(de) meynde bij zeke(re)n bescheyde dat hij inleyde ghepasseert bij/
machiele wijlen van baecx des voirs(creven) henricx vad(er)s en(de) bij zekeren/
possessien die hij van sine(n) vord(er)s inleyt te thone(n) ende meer bescheyts/
bij hem hier toe gheallig(eer)t dat hem en(de) sine(n) scepen(en) brieve(n) de voirs(creven)/
drie boende(re)n bosch volgen souden en(de) schuld(ich) wa(r)en te volgen/
Dair ten ut(er)sten nae aensprake v(er)antw(er)den ende thonisse van beyde(n)/
p(ar)tijen de he(r)en scepen(en) van loven(e) ghemaent vanden meye(r) vo(n)nislijke(n)/
ghewijst hebben met vollen ghevolghe dat zij de zake ende/
p(ar)tijen van des(er) questien setdten van hen t(er) plaetsen daerse behoirde/
recht te gheven ende te neme(n) cor(am) scabinis in scamp(no) ja(nuarii) ulti(m)a/
ContributorsMi-Je Van Gils
Moderated byMi-Je Van Gils
Last update: 2018-08-13 by The Administrator