Nae dien dat ghedinghe gheweest es voir meye(r) ende scepen(en) van loven(e)/ tusschen willem(e) van glijmez gheheete(n) van opgheldenaken in deen zijde/ ende janne houwaert in dande(r) zijde alse vander vurw(er)den en(de) (con)dicie(n)/ bijden voirs(creven) willem(e) bevurw(er)t ende ondersproken ten tijden als de selve/ willem metten voirs(creven) janne houwaert eens werdt ende overquam/ van twee mudde(n) corens erfs pachts spruyten(de) uut i(½) rijder lijfpen(sien)/ metten v(er)loepe der selv(er) Te weten(e) dat de voirs(creven) jan houwaert hem de/ voirs(creven) twee mudde(n) corens bewijsen soude op sine(n) cost ende desgelijx/ de brieve betaele(n) ende willeme die ov(er)leve(re)n Van welken brieve(n) de/ voirs(creven) willem ghebreck hadde ende dair o(m)me ghevolght heeft dinhout/ van sine(n) scepen(en) brieve(n) voirs(creven) oft de vurw(er)den voirgheruert hem/ voldaen te wordden(e) Soe es ten ut(er)sten nae aensprake v(er)antw(er)den en(de)/ thonisse ghewijst dat jan houwaert ghehouden sall sijn tot sijnd(er)/ cost den voirs(creven) willeme ov(er) te leve(re)ne de brieve vande(n) ii mudde(n) corens/ voirs(creven) cor(am) om(n)ibus scabinis febr(uarii) xvii