Allen den ghenen die dese l(ette)ren zullen sien oft hoe(re)n lesen/ burg(er)meeste(re)n scepen(en) ende raid der stad van loven(e) saluyt/ met kennissen der wairheit doen te weten(e) dat opden dach/ van heden voir ons come(n) is in p(ro)pren p(er)soene claes leysens va(n)/ lichtert nu t(er) tijt wonen(de) te loven(e) ende heeft met sine(n) vryen/ eygene(n) wille gheconstitueert ghesedt ende volcome(n) macht gegeve(n)/ janne leysens sine(n) bruede(r) alle alsulken goede chijse pachten ende/ renten jairgulden [erfpe(n)ninghe(n)] ende schulden den selve(n) claese toebehoren(de) te/ lichtert te poederle ende elswair bynne(n) den bra lande van braba(n)t gelege(n)/ ende men hem schuldich es [oft namaels wese(n) sal] Te manen te eysschen(e) opte bue(re)ne en(de)/ tontfangen(e) aen wat goede(n) oft p(er)soene(n) oft te wat steden [oft plaetsse(n)] dat dat/ sijn mach dair voe(r) te panden(e) te dagene te beleyden(e) en(de)/ rastemente te doen leggen(e) nae ghewoente ende costume vand(er)/ plaetssen dair dat behoe(re)n sal oft behoeve(n) soude moghen Ende/ op dats noot ghebuerde voir alle richte(re)n gheestelick ende/ weerlick met rechte te v(er)volgen(e) te v(er)antw(er)dene te beschudden(e)/ te bedingen(e) die te wynnen(e) ende te v(er)liesen(e) compositie en(de)/ mynlijke yffeninghe dair aff te maken(e) den schulde(re)n van des/ sij ontfange(n) sal quijt te schilden(e) en(de) quijtan(cie) te gheve(n) Ende/ voortaen allet ghene dair inne te doene en(de) te vorde(re)n dat/ de selve claes selve soude(n) moghen doen indyen dat hij/ ald(air) teghew(or)dich ende voir oeghen wa(r)e P(ro)mitten(s) rat(um)/ due(re)nde dese voirs(creven) p(ro)curacie en(de) mechtich(eit) totten wederroepe(n)/ des vors(creven) claes en(de) niet langhe(r) febr(uarii) xxiii