It(em) de vors(creven) ghijsbrecht vand(er) herstraten bij oppenba(r)en (con)sente en(de)/ beden der vors(creven) joffr(ouwe) katlinen d(aer) tegewordich staen(de) heeft de vors(creven)/ gelufte gedaen en(de) hem v(er)bonden ind(er) betalingen d(er) xv lewen lijfp(ensien)/ vors(creven) en(de) heeft de selve joffr(ouwe) kat(li)[ne] den selven ghijsbrechte (con)sent/ en(de) speciael beveel gegeve(n) o(m)me de vors(creven) xv lewen telke(n) t(er)mijne/ als sij vallen en(de) v(er)schine(n) sullen te betalen in afslage vand(er) pechtinge(n)/ en(de) hueringen d(er) goeden vors(creven) en(de) dat die betalinge den selven/ ghijsbrechte passe(re)n sal in afslaghe vand(er) selv(er) hueri(n)gen van ja(r)e/ te ja(re) alsoe lange de selve pechtinge en(de) hueri(n)ge doen sal/ Quiteren(de) de vors(creven) joffr(ouwe) kat(li)[ne] den vors(creven) ghijsbrechte nu alsda(n)/ van alle(n) t(er)mijne d(er) vors(creven) sijnre pechtingen alse vanden xv lewen/ vors(creven) die hij namaels sijn pechtinge due(re)nde den vors(creven) ja(n)ne va(n)/ winxele en(de) sijnre huysvrouwe(n) uutreiken sal en(de) betalen geloven(de)/ den vors(creven) ghijsbrechte de vors(creven) pechtinge den vors(creven) t(er)mijn va(n) xii jare(n)/ due(re)nde te doen volgen en(de) hem d(aer) af tegen eene(n) iegelike(n) gerecht/ warant te sijne Geloven(de) voert de selve joffr(ouwe) kat(li)[ne] den vors(creven)/ ghijsbrechte vandes vors(creven) is gehoirlic besorch te doene voir/ scepen(en) van thiene(n) Et t(antu)m Consente(re)nde en(de) ov(er)geve(n)de de vors(creven)
//
jan van winxele soe wa(n)neer de vors(creven) pechtinge uut sijn sal/ oft bij doode der vors(creven) joffr(ouwe) kat(li)[ne(n)] oft and(er)ssins den selven ghijsbr(echte)/ al uute niet en volghde en(de) alsdan nae doot va(n) huer derfgename(n)/ d(er) selv(er) joffr(ouwe) kat(li)[ne(n)] den vors(creven) ghijsbrechte de vors(creven) xv lewen niet/ afslaen en wouden dat hij dan voert opden vors(creven) ghijsbrechte/ mette(n) vors(creven) brieve niet p(ro)cede(re)n noch volgen en sal cor(am) eisd(em)