It(em) de vors(creven) ad(ri)aen heeft geloeft den vors(creven) roelande en(de) clase/ sine(n) borghe(n) en(de) elke(n) besund(er)t tot hue(re)n manissen oft des eens/ van hen bring(er) sbriefs te comene voir hof en(de) hee(re) d(aer) afme(n)/ sijn goede en(de) erfpacht h(ier) af nae bescr(even) houden(de) is Te wetene/ huys en(de) hof met sine(n) toebehoerte(n) gelege(n) te jauchelet d(aer) inne/ de vors(creven) ad(ri)aen woenachtich is It(em) ii mudde(n) rox d(er) mate(n) va(n)/ loven(e) erfs pachts die de selve ad(ri)aen heeft en(de) houden(de) is aen/ en(de) op zeke(re) goede en(de) ond(er)pande div(er)se p(er)sone(n) toebehoe(re)nde gelege(n)/ te boemelet en(de) ald(aer) de selve goede en(de) erfpacht voir dontheffe(n)/ vand(er) borchtochten vors(creven) wittelic v(er)oblige(re)n o(m)me aende selve/ goede en(de) erfpacht te v(er)hale(n) en(de) te v(er)reike(n) alle alsulke(n) gebreke(n)/ beide vande(n) p(ri)ncipale(n) en(de) coste(n) va(n) rechte die d(aer) op loepe(n) soude(n)/ moge(n) alse de selve sijn borge(n) oft enich va(n) hen mids d(er)/ borchtochte(n) vors(creven) soude(n) moge(n) lide(n) in enig(er) manie(re)n cor(am) eisd(em)