Tvo(n)nis tusschen willem(me) van leefdale als p(ro)cur(eur) h(er) thomaes vande(n)/ eynde p(ro)chiaen van linden t(er) eenre zijden ende janne de greve inde/ groefstrate t(er) ande(re) alse van iiii cap(uynen) en(de) iiii oude g(ro)te die de voirs(creven) wille(m)/ als p(ro)cur(eur) eysschen(de) was op huys ende hof met sijnd(er) toebehoirte(n) gelegen inde/ groefstrate den selve(n) janne die greve toebehoren(de) dair op de voirs(creven)/ jan antw(er)dende dat hij noeyt meer ghegeve(n) en hadde dan ii cap(uynen) ende/ ii oude grote(n) ende dat hij hem die bet(aelt) hadde vanden lesten jaire/ wel ende dueghdelijken des hij bodt sine(n) eedt Soe es nae tcleyn/ bescheyt dat de p(ro)cur(eur) voirs(creven) inden name van h(er) thomase d(air) inne/ voort ghekeert hadde ghewijst wair jan sine(n) eedt dade gelijck/ hij dien ghep(rese)nteert hadde dat hij d(air) mede gestaen sal cor(am)/ om(n)ibus scab(inis) in tribunali dempto roelofs junii xiii