Cont zij allen lieden dat willem de pape sone peet(er)s wijlen die/ pape wonen(de) te bealanden(en) in p(rese)nc(ia) d(er) scepen(en) van loven(e) gestaen/ heeft genome(n) en(de) bekint dat hij genome(n) heeft van gheerlecke/ vanden stocke geheten thuyl dwinhof des selfs gheerlex mette(n)/ huysen hoven bog(ar)den wynnen(de) landen en(de) metten beemde(n) gelegen[welke beempde gelege(n) sijn] te/ sintjorijs weerde en(de) mett(er) drog(er) weyen vanden bosschen en(de) met/ alle sinen toebehoerte(n) gelege(n) te bealanden(en) Te houden te hebben/ en(de) te wynnen van halff m(er)the lest leden eene(n) t(er)mijn va(n) xii jare(n)/ lang due(re)nde deen nae dand(er) sond(er) middel volgen(de) elx jaers/ dae(re)nbinne(n) te weten(e) de wynnen(de) lande voe(r) en(de) o(m)me xx/ mudden rogs goet en(de) paiabel met wa(n)ne en(de) met vede(re)n wel/ bereit d(er) mate(n) van loven(e) alsulx als jaerlix opde selve lande/ wassen sal en(de) de vors(creven) beemde o(m)me en(de) voe(r) iii(½) peet(er)s mo(ne)[te]/(et)c(etera) te xviii stuv(er)s stuc te weten tvors(creven) core(n) s(in)t andriesmisse/ apostels en(de) tgelt sinte m(er)tensmisse inden wynt(er) te betalen en(de)/ tcoren te loven(e) te leve(re)n den vors(creven) gheerlecke jairlix den vors(creven)/ t(er)mijn due(re)nde en(de) telken t(er)mijne als v(er)volghde schout opde/ vurwerd(en) en(de) (con)dicien h(ier) ond(er) bescr(evn) Inden iersten dat de vorscr(even)/ wynne jarlix ten behoerliken tijde de vors(creven) lande wynnen/ werve(n) mesten en(de) besayen sall op huer getidege voren ten prise/ van landwynne(n) hen des v(er)staen(de) It(em) dat de selve wynne sijn/ beesten opde droghe weyen vanden bossche(n) niet en sal mogen doen noch/ laten gaen tot sij dat de sproiten d(aer) af tierst out sijn sulle(n) ii jair/ It(em) dat de vors(creven) wynne de weeghe voir de beemde gelege(n) houde(n)/ en(de) maken sal op sine(n) cost en(de) thout vande(n) strunckeiken opde(n) selve(n)/ beemt staen(de) d(aer) toe behoeren(de) moge(n) neme(n) t(er) minst(er) scaden It(em) [en(de)] dat/ de selve wynne negeend(er)hande hout and(er)ssins opde vors(creven) goede/ staen(de) en sal mogen houwen dan alleene thout staen(de) aent bloc/ gelegen aen hev(er)bosch It(em) de vors(creven) wynne en(de) g(heer)leec sulle(n) allet/ doeft dat jarlix inden bog(ar)t wassen sal als dat tijtverdich en(de)/ rijp es doen lesen en(de) afdoen d(aer) af dat de selve g(heer)leec deen d(er)del
//
hebbe(n) sal en(de) de vors(creven) wynne dand(er) twee d(er)dendeele en(de) den/ lesere nae avenant van dien betalen en(de) de wynne sal op sine(n)/ cost tgedeelte des vors(creven) g(heer)lex hem tot loven(e) bringen tot sine(n) huys/ It(em) sal de vors(creven) wynne de huysinge vanden vors(creven) goeden houden op/ sine(n) cost vand(er) onderster rikelen nederwerts Es noch vurwerde/ dat de vors(creven) wynne den vors(creven) g(heer)lecke jarlix leve(re)n sal xx bussele(n)/ walms elc busselle van x walme(re) o(m)me de huysinge d(aer) mede/ te decken en(de) alsmen d(aer) dect oft plect dan sal de vors(creven) wi(n)ne/ den werclieden den montcost geve(n) en(de) de vors(creven) g(heer)lec hen huer/ dachue(re)n betalen en(de) de wynne sal den leem d(aer) toe behoeven(de)/ halen opde cuyte en(de) g(heer)lec sal dien doen steken Sal voert de selve/ wynne den vors(creven) g(heer)lecke jairlix doen ii carweyen met sinen wagen/ en(de) p(er)den van omtrent den winhove tot loeven(e) Sal voert/ de selve wynne de vors(creven) wynnen(de) lande laten tot sine(n) afsceid(en)/ gelijc hij die bevond(en) heeft tot sine(n) aencome(n) te weten den/ wynt(er)aert besayt wel en(de) loflic op iiii getidege vore(n) den/ someraert o(m)megestort op sijn ierste voren en(de) de brake geheel/ En(de) alle dese vurw(er)d(en) geluften en(de) (con)dicien vors(creven) heeft geloeft/ de vors(creven) wynne den vors(creven) g(heer)lecke vast gestentich en(de) omv(er)brekelic/ te houden en(de) te voldoene tallen tijden en(de) t(er)mijne als die valle(n)/ en(de) v(er)schine(n) sullen q(uolibet) ass(ecutu)[m] cor(am) meld(er)t borchove(n) junii xvi