It(em) goort van kessele in deen zijde h(er)man raets ende lijsbeth van/ kessele sijn wijff zust(er) des voirs(creven) goorts kynde(re) henricx van kessele in/ dande(r) zijde hebben malcande(re)n ghelooft alsoe verre hen ende elken van/ hen dat aengaet soe wes goeden het sij leengoede eyghen goede oft/ chijs goede met allen den haeflijken goeden ende vliegent erve die hen/ beyden blive(n) zullen nae de doot des voirs(creven) henricx ende katline(n) sijns wijfs/ vader ende moeder des voirs(creven) goorts en(de) lijsbette(n) dat sij alle de selve/ goede alsoe verre dat huer(er) beyder porcien ende ghedeelten aencleeft in/ ghelijke porcien nae de doot der selv(er) ghehuysschen in tween ghedeelte(n)/ malcande(re)n deylen zulle(n) niet wederstaen(de) dien dat e(n)nich van hen inde vors(creven)/ leengoede oft ande(re) goede nae den lantrechte oft and(er)ssins vorder oft meer/ ghericht wesen mochte dan dande(re) Ende dat eenyeghelijck vande(n)/ selve(n) p(ar)tijen te hemwert hebben en(de) behoude(n) sall zonder inne bringhe(n)/ allet tghene des hem bijden voirs(creven) ghehuyssche(n) te huweljke oft and(er)ssins/ ghegeven is cor(am) meld(er)t berghe junii xxv