Dits tvliegenerve dat claes boen douwe en(de) lijsbeth wellens/ sijn wijf gekint hebben en(de) gelijt dat sij in handen hebben en(de)/ dwelc de vors(creven) claes met wilen m(ar)grieten willemans sine(n)/ iersten wijve besadt en(de) d(air) uut de vors(creven) m(ar)griete gestorve(n)/ is als erfwijf en(de) claes d(air) inne bleven sitten(de) als tochtene(r)/ Dwelc claes boen de jonghe hue(re)r beid(er) sone beg(eer)t heeft/ geinventarieert te hebbene o(m)me hem nae sijns vaders/ doot sijn recht d(air) aen te volgene en(de) so es ten bevele/ vand(er) stat den vors(creven) inventarijs gedaen biden welke(n) bevo(n)de(n)/ sijn die porceelen hier nae bescr(even) t(er) p(rese)ncien en(de) (con)sente van/ beiden p(ar)tijen vors(creven) Inden iersten een scrijnhoute(n) scrapprede xiiii/ ee(re)n potte ond(er) cleyne en(de) groet iii witte ketele een oescruyke/ ii lavoere iii swerte ketele ond(er) groet en(de) cleyne i clein/ witketelken i ee(re)n pa(n)ne ii beckene ii matele(n) kendeleers/ i ee(re)n hantvat xii roede sitte kussene i bedde va(n) ii(½) elle(n)/ met sine(n) hoetpoluwe met eenre scrijnhoute(n) coetsen d(air) toe/ behoe(re)nde ii scrijnen noch i bedde va(n) ii(½) elle(n) metten/ hoetpoluwe met riclede(re)n en(de) g(or)dine(n) mett(er) scrijnhoute(n) coetse(n)/ d(air) toebehoe(re)nde i scrijnhoute(n) setel i scrijnhoute(n) vouwe(n)de sidel/ i rondeelken i wint(er) coetse va(n) i(½) elle(n) mette(n) bedde en(de)/ met sine(n) hoetpoluwe d(air) toe behoe(re)nde Inve(n)tariatu(m) in p(rese)nt(ia)/ franc(one) willem(air) burg(imagistro) hoeve(n) vync scab(inis) julii iiii[ta]