SAL8136, Act: V°200.2 (290 of 416)
Search Act
previous | next
Act V°200.2  
Act
Date: 1467-03-09

Transcription

2020-07-05 by myriam bols
It(em) symoen vander hofstad zone wijlen willems t(er) eenre ende/
willem vander hofstad sijn brueder t(er) ande(re) in p(rese)nc(ia) hebben ghekent ende/
ghelijt dat sij met malcande(re)n sijn ov(er)come(n) der vurw(er)de(n) h(ier) nae/
bescreve(n) o(m)me die elcken vanden ande(re)n voldaen te wordden(e) Te/
weten(e) dat de voirs(creven) symoen alle schulde(n) het sij(n) lijftochten/
schatschouden oft ande(re) bebrieft oft ombebrieft willems wijlen/
sijns svaders voirscr(even) alleene draghen ende betalen sal tot sijne(n)/
laste ende desgelijx alle schulde(n) dair inne de vors(creven) willem/
mede v(er)bonde(n) mach sijn het sij met willem(me) wijlen sine(n) vader/
oft mette(n) voirs(creven) symone alleene ghelde(n) en(de) betale(n) en(de) den/
voirs(creven) willeme yerst vander schult dair hij voe(r) steet ende dan/
voort van allen ande(re)n schulde(n) ontlasten Ende t(er) ande(r) zijden/
voir tghene des vors(creven) steet ende op (con)dicie dat dat alsoe/
gheschiede heeft de voirs(creven) willem den voirs(creven) symone toegeseet/
en(de) ghelooft afte gane ende te v(er)thidene tot behoef der vors(creven)/
symoens van allen den chijsgoede(n) ghebleve(n) nae huer(er) beyder/
vader ende oic afgaen ende v(er)thien op alle de goede het sijn/
leengoede oft chijsgoede hem ghebleve(n) van cole wijle(n) va(n) udekem/
ende vanden chijse van delbroeck o(m)me den voirs(creven) symone de/
voirs(creven) schulde(n) met dyen goede(n) te v(er)stringen(e) Hier inne bevurw(er)t/
soe wanneer de voirs(creven) willem guedinghe vande(n) voirs(creven) goede(n)/
doen sal dat dan de voirs(creven) symoen hem met ande(re) goede(n) van vore/
gheruert sijn het zijn leengoede oft ande(re) goede vestich(eit) ende vaste/
behoefde doen sall o(m)me vande(n) voirs(creven) schulde(n) ontlast te wordden(e)/
ende tghebreck van dyen op dat ghebuerde aen die goede te/
v(er)halen(e) cor(am) naus(nijdere) vyncke marcii ix
ContributorsMi-Je Van Gils
Moderated byMi-Je Van Gils
Last update: 2018-08-13 by The Administrator