Allen den ghene(n) (et)c(etera) burg(er)meeste(re)n scepen(en) ende raid der stad van/ loven(e) saluyt met kennissen der wairheit doen te weten(e) dat/ opden dach van heden voir ons come(n) es in p(ro)pren p(er)soene(n) jan/ van lathem van grymb(er)ghen nu t(er) tijt wonen(de) te quaderibbe ende/ heeft gheconstitueert ghesedt ende volcome(n) macht ghegheve(n)/ janne en(de) wencelijne gehete(n) van lathem gebruede(re) sijnen/ soene(n) den vors(creven) ja(n)ne tierst uut sine(n) broode gedaen sijnde/ roelove lanshee(re) zegheren de wynt(er) en(de) vrancken beys en(de) elke(n)/ van hen besund(er)t alle alsulke(n) goede chijsen rinten pachten/ jaergulden en(de) schout als de vors(creven) jan va(n) lathem heeft inde(n)/ lande van grymberghen te raemsdonck te p(er)weys te meld(er)t/ terpse te quaderebbe en(de) elswair inden lande van brabant en(de)/ men hem sculdich is oft namaels wesen sal Te rege(re)n te/ mane(n) teisschen opte bue(re)n en(de) tontfangen aen wat goeden oft/ p(er)soene(n) oft te wat steden dat dat sijn mach d(aer) voe(r) te/ panden te dagene te beleidene en(de) rasta(men)[te] te doen legge(n) nae/ gewoente en(de) costume vand(er) plaetsen d(aer) dat behoe(re)n sal oft/ behoeve(n) soude moge(n) en(de) op dats noot gebuerde voe(r) alle/ richte(re)n geestelic en(de) weerlic met rechte te v(er)volge(n) te v(er)antw(er)d(en)/ te bescudde(n) en(de) te bedingen die te wynne(n) en(de) te v(er)liesen (com)posicie/ en(de) mynlike yffeni(n)ge d(aer) af te make(n) den sculd(ere)n va(n) des/ sij ontfange(n) sulle(n) quijt te scelde(n) en(de) quitan(cie) te geve(n) en(de) de/ omberuerlike goede des vors(creven) jans eene(n) t(er)mijn va(n) iii jaren/ uut te geve(n) te v(er)pachte(n) en(de) te v(er)hue(re)n En(de) voirtaen g(e)n(er)alic/ en(de) specialic alle tgene d(aer) inne te doene en(de) te vorde(re)n dat/ de selve jan selve soude moge(n) doen waert dat hij tegeword(ich)/ en(de) voe(r) ogen wa(r)e Geven(de) den selven gemechtichden en(de) elke(n) van/ hen volcome(n) macht auctoriteit beveel en(de) last eene(n) oft meer/ va(n) hue(re)r [oft sijnd(er)] hant gemechtichde en(de) gesubstitueerde te sette(n) en(de) te/ stelle(n) o(m)me te doen in all en(de) in alle manie(re)n vors(creven) te vorde(re)n/ talle(n) plaetsen dat de vors(creven) p(ro)cur(eur)s oft enich va(n) hen oft sijt
//
selve dade(n) en(de) met desen brieve soude moge(n) doen Geloven(de)/ voir ons de selve jan in goede(n) trouwe(n) voir goet vast geste(n)tich/ en(de) van weerde(n) te houden tot ewige(n) dage(n) soe wes biden vors(creven) p(ro)cu(reur)s/oft enige(n) va(n) hen oft den gesubstitueerde(n) bij hen oft enige(n) van/ hen inde(n) saken vors(creven) en(de) des d(aer) aen cleeft ged(aen) oft gevord(er)t sal word(en)/ in enig(er) manie(re)n sond(er) argelist Behoud(elic) dat de vors(creven) p(ro)cur(eur)s en(de)/ gesubstitueerde en(de) elc van hen behoud(en) sal sijn den vors(creven) ja(n)ne/ altijt tot sijnre manissen va(n) sine(n) bewinde en(de) ontfa(n)ge goede/ rekeni(n)ge en(de) bewijs te doene due(re)nde dese p(ro)cu(ra)cie en(de) mechtich(eit)/ totte(n) wed(er)roepen des vors(creven) jans en(de) niet lang(er) dec(embris) xvi