It(em) gielijs van gheldenake barbier in p(rese)nc(ia) heeft ghekent ende/ gelijt inden name ende tot behoef jacop lyemincx en(de) katline(n)/ lyemincx sijnre zust(er) huysvrouwe pet(er)s roese kynde(re) wijlen wout(er)s/ lyemincx dat de selve wijlen wijlen wout(er) vader der selver/ kynde(re)n in sijnre levender tijt des eene(n) langhen tijt van jare(n)/ gheleden es hem wael en(de) wettelick v(er)nueght en(de) betaelt/ heeft van alsulken xl pet(er)s der mu(n)ten ons gened(ichs) she(re)n tsh(er)toge(n)/ van bourg(oig)[ne(n)] (en) van brabant van goude goet en(de) ginghe die/ de selve wijlen wout(er) ende jacop lyeminx voirs(creven) sijn zone den/ selve(n) gielijse ende ja(n)ne denijset oft den deen van hen bring(er)/sbriefs voir scepen(en) van loven(e) ghelooft hadde(n) te betalen(e) den/ selve(n) wijlen woute(re)n lyenincx en(de) den voirs(creven) sine(n) kynde(re) en(de) huer/ goede ende elcx van hen ende eene(n) yegelijken and(er)s dien dat/ aengaen mach volcomelick quijtschilden(de) geloven(de) de selve giel(ijs)/ den voirs(creven) jacope ende sijnre zust(er) vand(er) vors(creven) quitan(cie) teghen/den eenenyeghelijken recht warant te zijne cor(am) naus(nijdere) vyncke/ januarii xiiii